Job Description

Við leitum að framsæknum einstaklingi með reynslu í vöruflokkastýringu til að leiða spennandi vöruflokka hjá Krónunni. Vöruflokkastjórar Krónunnar eru ábyrgir fyrir því að þróa vöruframboð í takt við stefnu Krónunnar og tryggja að við séum alltaf skrefi á undan í því að mæta þörfum okkar fjölbreyttu viðskiptavina.

Helstu verkefni og ábyrgð:

• Vöruflokkastýring á vel skilgreindum vöruflokkum
• Samskipti við innlenda og erlenda birgja og aðra samstarfsaðila
• Vöruval, verðlagning og greining á sölu og markaðstækifærum
• Þátttaka í herferðum, kynningum og þróun á upplifun í verslunum og stafrænu umhverfi
• Öflugt samstarf með kröftugu teymi Krónunnar sem brennur fyrir jákvæðri upplifun viðskiptavina og að hafa góð áhrif til framtíðar

Menntunar- og hæfniskröfur:

• Hefur góða og haldbæra reynslu af innkaupum, vörustýringu og/eða vörumerkjastjórnun
• Háskólamenntun sem nýtist í starfi er kostur
• Hefur brennandi áhuga á dagvöru og þróun dagvörumarkaðar og fylgist með nýjungum
• Hugsar í lausnum og er óhræddur við að taka frumkvæði
• Er skipulagður og með næmt auga fyrir smáatriðum
• Er teymisþenkjandi og frábær í samskiptum
• Vill hafa áhrif og býr yfir verkefnagleði

Krónan býður upp á fjölbreyttan og metnaðarfullan vinnustað þar sem hægt er að hafa áhrif og leiða verkefni með sýnilegum árangri.

Hjá Krónunni starfa um 1200 manns, við eigum ánægðustu viðskiptavinina 9. árið í röð og erum með jafnlaunavottun VR.

Umsóknarfrestur er til og með 31. maí.

Sigurður Gunnar Markússon veitir nánari upplýsingar - smark@kronan.is