Job Description

Vilt þú vera lykilráðgjafi nokkurra af stærstu fyrirtækjum landsins?

Við leitum að kraftmiklum, framsæknum og þjónustulunduðum einstaklingi sem hefur áhuga á viðskiptum, tækni og því að byggja upp sterk langtímasambönd. Í boði er krefjandi og ábyrgðarmikið framtíðarstarf í samheldnu teymi þar sem sjálfstæð, fagleg og árangursdrifin vinnubrögð skipta miklu máli.

Starfið felst meðal annars í að öðlast góðan skilning á rekstri, þörfum og markmiðum viðskiptavina, greina ný tækifæri og vinna með sérfræðingum Sýnar að lausnum sem skapa raunveruleg verðmæti. Viðskiptastjóri kynnir jafnframt nýjungar í vöruframboði og tryggir framúrskarandi þjónustu og eftirfylgni.

Lögð er rík áhersla á traust langtímasamband, framúrskarandi þjónustu og að styðja við verðmætasköpun viðskiptavina.

Helstu verkefni og ábyrgð

• Viðskiptastýring og heildarábyrgð á völdum lykilviðskiptavinum
• Uppbygging og þróun sterkra langtíma viðskiptasambanda
• Greining á þörfum, tækifærum og framtíðaráformum viðskiptavina
• Ráðgjöf og þróun lausna í samstarfi við sérfræðinga Sýnar
• Gerð viðskipta- og vaxtaráætlana fyrir lykilviðskiptavini
• Samningagerð og eftirfylgni
• Tryggja framúrskarandi þjónustu og upplifun viðskiptavina
• Greina ný tækifæri og skapa aukin verðmæti fyrir viðskiptavininn og Sýn

Hæfniskröfur

• Reynsla af viðskiptastýringu, B2B-sölu, ráðgjöf eða sambærilegu starfi æskileg
• Menntun sem nýtist í starfi
• Framúrskarandi hæfni í mannlegum samskiptum og rík þjónustulund
• Gott viðskiptavit og hæfni til að greina og þróa viðskiptatækifæri
• Frumkvæði, metnaður og sjálfstæð vinnubrögð
• Góð samninga- og samskiptahæfni
• Markmiðadrifin og árangursmiðuð nálgun
• Áhugi á tækni og þeim tækifærum sem hún skapar fyrir fyrirtæki

Það sem við höfum upp á að bjóða

• Krefjandi og spennandi tæknilega vegferð
• Metnaðarfullt og hæft teymi með skýra tæknilega stefnu
• Líflegur og skemmtilegur vinnustaður með frábært mötuneyti

Fríðindi í starfi

• Frábæra vinnufélaga
• Framúrskarandi vinnuaðstöðu
• Mötuneyti á heimsmælikvarða
• Internet- og farsímaáskrift
• Streymisveitu Sýnar og Viaplay
• Árlegan heilsustyrk
• Símtækjastyrk
• Samgöngustyrk fyrir þá sem nýta sér vistvæna ferðamáta til og frá vinnu
• Öflugt starfsmannafélag og frábæra vinnustaðamenningu

Hver erum við?

Sýn er leiðandi afl á sviði fjarskipta og fjölmiðlunar á Íslandi. Hjá Sýn sameinum við það besta úr heimi tækni og afþreyingar og breytum hversdagsleikanum í upplifun.

Það er betra að vera með Sýn – hvort sem þú ert að horfa, hlusta, vafra eða vinna.

Hjá Sýn leggjum við áherslu á að starfsfólk upplifi vellíðan í vinnu. Það gerum við með því að búa starfsfólki framúrskarandi vinnuaðstöðu, huga að líkamlegri og andlegri heilsu þess og gefa því möguleika á sveigjanleika í vinnu. Við viljum að fólki líði vel í vinnunni, upplifi sig sem hluta af sterkri liðsheild, fái útrás fyrir sköpunarþörf sína og tækifæri til að takast á við verkefni þar sem styrkleikar þeirra fá helst notið sín. Sýn vill þannig stuðla að jákvæðri sjálfsmynd og góðu sjálfstrausti starfsfólks og að starfsfólk sýni frumkvæði í starfi. Við trúum því að fyrirtækinu gangi best þegar starfsfólkið er upp á sitt BESTA.

Við hvetjum áhugasöm af öllum kynjum til að sækja um í gegnum ráðningarvefinn okkar. Umsóknarfrestur er til og með 7. september 2026 Umsóknir eru rýndar jafnóðum og þær berast.

Fyrir nánari upplýsingar má senda póst á mannaudur@syn.is