Job Description

Opið er fyrir umsóknir í Vinnuskólann fyrir 17 ára unglinga.

Starfsemi Vinnuskólans

Í Vinnuskólanum starfa 14-17 ára unglingar. Vinna 17 ára unglinga fer fram hjá stofnunum og félögum Akureyrar við fjölbreytt störf.

Markmið með starfsemi Vinnuskóla Akureyrar er meðal annars að;

• Fegra og snyrta umhverfi okkar og halda því óaðfinnanlegu.
• Byggja upp vinnuvirðingu hjá nemendum og flokkstjórum.
• Skapa trausta og sterka liðsheild í öllu starfi Vinnuskólans.
• Bjóða upp á eftirsóknarvert starf í Vinnuskólanum með áherslu á þátttöku unglinga í þroskandi og skapandi starfi.
• Veita unglingum Vinnuskólans fjölbreytileg tækifæri til að fræðast um bæinn og nágrenni hans.
• Kenna unglingum verklag, virðingu, stundvísi og aga.
• Viðhalda jákvæðri ímynd um Vinnuskólann og gera hana enn jákvæðari.
• Veita fræðslu á ýmsum sviðum auk forvarna.

Sérstaða Vinnuskólans er að;

• Ekki er skólaskylda í Vinnuskólanum.
• Vinnuskólinn starfar samkvæmt samþykktum Akureyrarbæjar en ekki samkvæmt lögskipaðri námskrá.
• Vinnuskólanum er skylt að taka við öllum nemendum sem skrá sig til sumarvinnu á aldrinum 14-17 ára og eiga lögheimili á Akureyri.

Allar nánari upplýsingar um Vinnuskólann má nálgast hér: https://www.akureyri.is/skola-og-fristundastarf/vinnuskolinn

Umsóknarfrestur er til og með 31. maí 2026