Job Description

Heilsuvernd Dvöl-Endurhæfing óskar eftir að ráða verkefnastjóra við vaktavinnugerð til starfa. Um fullt starf er að ræða eða samkvæmt samkomulagi. Verkefnastjóri ber ábyrgð á að hanna, samræma og halda utan um vaktaplön þannig að mönnun mæti þörfum vinnustaðarins á sama tíma og farið sé eftir lögum og kjarasamningum.

Á Heilsuvernd Dvöl - Endurhæfingu eru rekin biðrými fyrir þá einstaklinga sem lokið hafa meðferð á Landspítalanum og hafa ekki heilsu til að búa í sjálfstæðri búsetu. Þjónustan felur í sér að veita þeim skjólstæðingum sem dvelja hjá okkur þá umönnun, þjálfun og eftirlit sem þeir þurfa, á meðan þeir bíða eftir varanlegu búsetuúrræði.

Heilsuvernd er ört stækkandi fyrirtæki í heilbrigðisþjónustu sem hefur sérhæft sig í heilsu- og vinnuverndarstörfum, heilsugæsluþjónustu og heilbrigðisþjónustu fyrir aldraða.

Við leitum að öflugum einstaklingi í starf verkefnastjóra til starfa í fjölmenningarstarfshóp okkar sem hefur jákvæðni og góð samskipti að leiðarljósi og er tilbúin að takast á við fjölbreytt verkefni í sterku teymi fagfólks undir merkjum Heilsuverndar.

Helstu verkefni og ábyrgð:

• Hönnun og gerð vaktskráa: Útfærsla á reglulegu vaktaplani sem tryggir rétta mönnun og tekur mið af óskum starfsmanna
• Eftirfylgni með kjarasamningum: Tryggja að vaktavinnugerð uppfylli ákvæði um hvíldartíma og önnur réttindi
• Kerfisstjórnun: Umsjón og vinna í vaktakerfi MTP
• Breytingastjórnun og afleysingar: Bregðast við veikindum, leyfum eða skyndilegum mönnunarbreytingum
• Önnur verkefni tengt skráningu

Menntunar- og hæfniskröfur:

• Menntun og reynsla af verkefnastjórnun
• Framúrskarandi skipulagshæfni
• Hæfni til að vinna með flóknar upplýsingar undir tímapressu
• Rík samskiptahæfni þar sem starfið krefst mikilla samskipta við starfsfólk og stjórnendur
• Haldbær þekking á kjarasamningum vaktavinnufólks og vinnulöggjöf
• Frumkvæði, jákvæðni og samstarfsvilji
• Góð almenn tölvukunnátta
• Góð kunnátta í íslensku og ensku

Umsóknarfrestur er til og með 25. október 2026.

Umsóknum skal fylgja ferilskrá og kynningarbréf. Öllum umsóknum verður svarað. Ráðið er í starfið óháð kyni. Nánari upplýsingar veitir Aníta Magnúsdóttir, forstöðumaður, anitam@hv.is, Steinunn Ósk Geirsdóttir deildarstjóri, steinunnosk@hv.is eða Anna María Friðriksdóttir deildarstjóri, annamaria@hv.is.

Heilsuvernd samstæðan er skipuð sérhæfðu og metnaðarfullu starfsfólki sem leggur áherslu á faglega og framúrskarandi þjónustu. Markmið okkar er að hafa jákvæð áhrif á lífsgæði fólks og efla heilbrigði og vellíðan. Því hver dagur er dýrmætur.