Job Description

Mörk hjúkrunarheimili leitar að jákvæðu og metnaðarfullu starfsfólki við umönnun á geðeiningu.

Mörk er lifandi vinnustaður þar sem starfa rúmlega 200 manns. Áhersla er lögð á góðan starfsanda, sterka liðsheild og hvetjandi starfsumhverfi. Grundarheimilin fengu jafnlaunavottun árið 2020 og hvetjum við öll kyn til að sækja um.

Starfið er fjölbreytt og krefjandi og lögð er áhersla á góða teymisvinnu. Starfið felur í sér ýmsa aðstoð og umönnun við heimilisfólk Markar á 20 rýma geðeiningu, gleðjast og njóta samveru með þeim.

Frábær tækifæri fyrir nema í sálfræði, hjúkrun, félagsráðgjöf eða skyldum greinum til að öðlast dýrmæta reynslu og hafa jákvæð áhrif á líf fólks.

Í boði eru störf þar sem unnar eru blandaðar vaktir í góðum hóp starfsmanna. Óskað er eftir starfsfólki í framtíðar- og sumarstörf.

Menntunar- og hæfniskröfur

• Góð íslenskukunnátta
• Starfsmaður þarf að hafa náð 20 ára aldri
• Faglegur metnaður og frumkvæði í starfi
• Góðir samskiptahæfileikar og jákvæðni
• Starfsreynsla við umönnun geðfatlaðra er mikill kostur

Fríðindi í starfi

• Aðgangur að heilsustyrk
• Stytting vinnuvikunnar
• Öflugt starfsmannafélag

Greitt er eftir kjarasamningi Eflingar og Samtaka fyrirtækja í velferðarþjónustu.

Á Grundarheimilunum vinnur stór og samheldinn hópur starfsfólks að því að hlúa að öldruðum af alúð. Vellíðan, virðing og vinátta eru höfð að leiðarljósi í samskiptum og lögð er áhersla á góðan vinnuanda, sjálfstæð vinnubrögð og heimilislegt umhverfi.

Nánari upplýsingar um starfið veitir:

Mannauðsdeild Grundarheimilanna

laun@grund.is

Við hlökkum til að heyra í þér !