Job Description

Viltu þú starfa við gefandi og skemmtilegt sumarstarf með sveigjanlegum vinnutíma og góðum tekjumöguleikum?

Hjúkrunarheimilin Eir, Skjól og Hamrar óska eftir starfsfólki í umönnunarstörf í sumar.

Starfsfólk við umönnun á hjúkrunarheimili aðstoðar við fjölbreyttar athafnir daglegs lífs til að hámarka lífsgæði íbúanna, viðhalda sjálfstæði þeirra og vellíðan. Meginhlutverk starfsins er þrenns konar: Aðhlynning, samskipti og heimilisstörf.

Við leitum að jákvæðum, stundvísum og samviskusömum einstaklingum til starfa við umönnun aldraðra.

Skilyrði er að viðkomandi hafi náð 18 ára aldri og hafi færni í íslensku (B1).

Um vaktavinnu er að ræða en starfshlutfall er samkomulag. Greitt er skv. kjarasamningi Eflingar og Samtaka fyrirtækja í velferðarþjónustu.

Áhugasamir eru hvattir til að sækja um sem fyrst þar sem ráðið er í störfin jafnóðum.

Störf sem í boði eru:

• Umönnun - sumarafleysing
• Sjúkraliðanemar - sumarafleysing

Helstu verkefni:

• Aðstoðar með daglega umönnun skjólstæðinga og þjónustuþega heimilisins .
• Leiðbeinir og aðstoðar heimilismenn við persónulegt hreinlæti og aðrar athafnir daglegs lífs í samræmi við getu og óskir heimilismanns.
• Heldur umhverfi snyrtilegu, s.s. þvo og ganga frá þvotti, þrífa og búa um rúm.
• Sinnir reglubundnu eftirliti og svarar bjöllum.
• Þátttaka í daglegu lífi, tómstundum og þjálfun.

Almennar hæfniskröfur eru:

• Aldurstakmark er 18 ár.
• Færni í íslensku.
• Viðeigandi menntun ef sótt er um nemastöðu.
• Stundvísi.
• Snyrtimennska.
• Góð samskiptahæfni.
• Glaðlegt og jákvætt viðmót.

Eir, Hamrar og Skjól hjúkrunarheimili hafa hlotið jafnlaunavottun í samræmi við kröfur staðalsins ÍST 85.

Við hlökkum til að heyra frá þér,

Mannauðsdeild Eirar, Hamra og Skjóls

mannaudsdeild@eir.is