Job Description

Umhverfismiðstöð Akureyrarbæjar óskar eftir að ráða yfirverkstjóra gatnamála, malbikunar og snjómoksturs. Um er að ræða 100% ótímabundna stöðu.

Æskilegt er að viðkomandi geti hafið störf sem fyrst eða eftir samkomulagi.

Umhverfismiðstöð sér meðal annars um rekstur gatna og opinna svæða í bænum, almenna umhirðu bæjarins, slátt, rekstur Strætisvagna Akureyrar og ferliþjónustu og rekstur áhaldahúss ásamt fjölda annarra verkefna.

Helstu verkefni eru:

• Umsjón með viðhaldi og rekstri Malbikunarstöðvar.
• Verkstýrir og hefur eftirlit með starfsmönnum og verktökum.
• Verkstýrir lagningu malbiks í nýframkvæmdum og viðhaldi.
• Viðhald malargatna.
• Viðhald og lagning kantsteina og úrtaka.
• Viðhald fráveitukerfa vegna yfirborðsvatns.
• Stýring á snjómokstri og hálkuvörnum gatna, stétta, stíga og bifreiðastæða.
• Ýmis tilfallandi verkefni vegna þjónustu Umhverfismiðstöðvar við bæjarbúa, stofnanir og fyrirtæki bæjarins.

Menntunar- og hæfniskröfur:

• Iðnmenntun eða jafngildi hennar aflað með sjálfsmenntun reynslu og verkþjálfun í hliðstæðu starfi.
• Reynsla af sambærilegu starfi er æskileg.
• Réttindi á þungavinnuvélar er kostur.
• Þekking á öryggismálum og merkingum vegna framkvæmda við umferðarmannvirki í bæjarlandinu er kostur.
• Góð almenn tölvukunnátta.
• Starfið krefst sjálfstæðis, frumkvæðis og útsjónarsemi.
• Góð þjónustulund og hæfni í samskiptum.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Dóra Sif Sigtryggsdóttir forstöðumaður rekstrardeildar og umhverfismiðstöðvar í gegnum netfangið dora@akureyri.is

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 18. júní 2026.