Job Description

Umhverfis- og mannvirkjasvið Akureyrarbæjar óskar eftir að ráða drífandi einstakling í fjölbreytt starf, með áherslu á eftirlit og umsjón með framkvæmdum og viðhaldi gatna og stíga, verkefnastjórn, auk annarra verkefna. Um 100% ótímabundna stöðu er að ræða.

Helstu verkefni og ábyrgð:

• Hönnunarverkefni á sviði umferðar- og gatnamála
• Umsjón og eftirfylgni með uppbyggingu göngu- og stígakerfis
• Umsjón með endurbyggingu eldri hverfa
• Umsjón með uppbyggingu nýrra hverfa
• Eftirlit með framkvæmdum/verkefnastjórn og mælingar
• Gatna- og stígalýsing í bæjarlandinu

Menntunar- og hæfniskröfur:

• Gerð er krafa um háskólapróf í verk-, tækni- eða byggingarfræði eða önnur háskólamenntun sem nýtist í starfi.
• Meistaragráða sem nýtist í starfi er kostur.
• Góð almenn tölvukunnátta er nauðsynleg, góð þekking og reynsla af teikniforritum s.s. Microstation og Excel er kostur.
• Starfinu fylgja mikil samskipti við íbúa bæjarins, hönnuði, verktaka og starfsmenn Umhverfismiðstöðvar og Skipulagssviðs. Það krefst lipurðar í mannlegum samskiptum, frumkvæðis og skipulagðra og sjálfstæðra vinnubragða.
• Hæfni til stjórnunar, skipulagningar, nýsköpunar og innleiðingar nýrra hugmynda og vinnubragða.
• Góð íslenskukunnátta í töluðu og rituðu máli.
• Trúnaður og þagnarskylda.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kjarafélags Tæknifræðingafélags Íslands, Stéttarfélags byggingarfræðinga og Stéttarfélags verkfræðinga.

Nánari upplýsingar um starfið veitir Dóra Sif Sigtryggsdóttir í gegnum netfangið dora@akureyri.is

Einungis er tekið á móti rafrænum umsóknum.

Umsóknarfrestur er til og með 15. október 2026.