Job Description

Umhverfis- og mannvirkjasvið Akureyrarbæjar óskar eftir að ráða verkefnastjóra í nýframkvæmdir og endurbætur fasteigna og mannvirkja. Æskilegt er að viðkomandi geti hafið störf fljótlega. Um 100% ótímabundna stöðu er að ræða.

Helstu verkefni og ábyrgð:

• Umsjón með nýframkvæmdum endurbótum fasteigna og annarra mannvirkja.
• Gerð nýframkvæmdaáætlana.
• Umsjón með útboðsferli hönnunar og framkvæmdaverkefna.
• Stýring og eftirlit með framkvæmdum.
• Þátttaka í þróun á stöðluðum/bestu lausnum á sviði framkvæmda.

Menntunar- og hæfniskröfur:

• Gerð er krafa um háskólapróf í verk-, tækni- eða byggingarfræði, eða sambærileg háskólamenntun sem nýtist í starfi.
• Meistaragráða sem nýtist í starfi er kostur.
• Farsæl reynsla af verkefnastjórnun á hönnunar og/- eða framkvæmdastigi.
• Fagleg þekking á aðferðafræði verkefnastjórnunar. Vottun sem verkefnastjóri er kostur.
• Þekking á hönnunarferli og reynsla af hönnunarrýni.
• Ríkir samskiptahæfileikar, jákvætt og lausnamiðað viðhorf.
• Frumkvæði, fagmennska og sjálfstæð vinnubrögð.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kjarafélags Tæknifræðingafélags Íslands, Stéttarfélags byggingarfræðinga og Stéttarfélags verkfræðinga.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Dóra Sif Sigtryggsdóttir í gegnum netfangið dora@akureyri.is

Einungis er tekið á móti rafrænum umsóknum.

Umsóknarfrestur er til og með 15. október 2026.