Job Description

KONE ehf. óskar eftir að ráða jákvæðan og þjónustulipran tæknimann sem er tilbúinn til að takast á við krefjandi og skemmtilegar áskoranir með góðri liðsheild á góðum vinnustað. Viðkomandi kemur til með að starfa innan þjónustudeildar KONE í nánu samstarfi með tæknistjóra og þjónustustjóra. Starfið býður upp á góða möguleika til að þróast í þá átt sem viðkomandi sýnir styrkleika, td. stjórnun, kennslu og utanumhald.

Helstu verkefni og ábyrgð

• Bilanagreining og prófanir
• Ráðgjöf og leiðbeiningar til viðskiptavina
• Viðgerðir á lyftum
• Viðgerðir á rennistigum
• Þjónustueftirlit skv. gæðaferlum

Menntunar- og hæfniskröfur

• Menntun á sviði rafmagnsiðnfræði, rafvirkjunar, véliðnfræði, vélfræði eða önnur sambærileg menntun sem nýtist í starfi og/eða reynsla á sambærilegu starfssviði
• Góður skilningur á rafmagni, tölvum og stýringum er kostur
• Sjálfstæð, nákvæm, öguð og lausnamiðuð vinnubrögð
• Þjónustulund, sveigjanleiki og lipurð í mannlegum samskiptum

KONE ehf. er faglegt og traust alþjóðlegt fyrirtæki í eigu KONE Corporation sem er leiðandi fyrirtæki í heiminum í framleiðslu og þjónustu á fólkslyftum og rennistigum. KONE ehf. var stofnað 1994 á Íslandi en móðurfélagið í Finnlandi 1910. Frá upphafi hefur verið stöðugur vöxtur hjá fyrirtækinu og í dag eru KONE lyftur og rennistigar á stöðum eins og Flugstöðinni, Smáralind, Hörpu, Kringlunni helstu hótelum og háhýsum landsins. Allir stærstu byggingaverktakar landsins eru á meðal viðskiptavina KONE ehf. Fyrirtækið hefur á að skipa reyndu starfsfólki í ráðgjöf, sölu, uppsetningum og þjónustu á lyftum og rennistigum. Hjá okkur starfa td. rafiðnfræðingar, vélfræðingar, rafvirkjar og vélvirkjar á góðum vinnustað.

Nánari upplýsingar

Hlynur Atli Magnússon – hlynur@hagvangur.is