Job Description

Velferðarsvið Akureyrarbæjar, barnaverndarþjónustan, óskar eftir starfsfólki til að sinna persónulegum stuðningi við foreldra og börn í formi tilsjónar og/eða persónulegrar ráðgjafar.

Tilsjón: Tilsjónaraðili leiðbeinir og styður foreldra við að sinna forsjár- og uppeldisskyldu sinni. Samningur við tilsjónaraðila er einstaklingsbundinn og sniðinn að þörfum foreldra og markmiðum með úrræðinu í samráði við foreldra. Stuðningurinn fer fram á heimili fjölskyldunnar þar sem foreldri fær persónulega stuðning og leiðbeiningar í uppeldi og umönnun barna sinna. Starf tilsjónar getur einnig falist í óboðuðu eftirliti með heimili eða eftirliti með umgengni.

Persónuleg ráðgjöf:Persónulegur ráðgjafi veitir barni eða ungmenni persónulegan stuðning þar sem stuðst er við ákveðin markmið. Tilgangurinn er að styrkja barnið eða ungmennið félagslega, siðferðislega og tilfinningalega, svo sem í sambandi við vinnu, menntun og tómstundir. Lögð er áhersla á samskipti og virkni.

Um er að ræða tímabundin verkefni með sérstökum samningi þar sem getið er um umfang og markmið. Unnið er í tímavinnu, 20 tíma á mánuði að jafnaði, og vinnutími er oftast nær seinnipart dags og/eða um helgar. Starfið gæti því hentað vel með námi og/eða annarri vinnu.

Hæfniskröfur:

• Reynsla af starfi með fólki er kostur.
• Vandvirkni, samviskusemi, þagmælska og trúnaður í samskiptum við notendur og aðra er tengjast starfinu.
• Frumkvæði og sjálfstæði í starfi.
• Samskiptafærni og sveigjanleiki vegna mismunandi þarfa þeirra einstaklinga sem verið er að styðja.
• Jákvætt viðhorf til fólks og réttinda þeirra.
• Virðing fyrir þeim einstaklingi sem veita þarf stuðning og/eða ráðgjöf.
• Áhugi á og vilji til að tileinka sér nýja þekkingu og leggja sitt af mörkum til að bæta þjónustuna og auka lífsgæði þeirra einstaklinga sem verið er að styðja.
• Aðeins einstaklingar sem eru 20 ára og eldri koma til greina.
• Hreint sakavottorð er skilyrði.
• Bílpróf er kostur.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Einingar-Iðju.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Vilborg Þórarinsdóttir, netfang vilborg@akureyri.is

Einungis er tekið á móti rafrænum umsóknum.