Job Description

Í Fellaskóla er fjölbreyttur og hæfileikaríkur nemendahópur. Flestir nemendanna tala fleiri en eitt tungumál og tengjast fjölmörgum löndum og menningarsvæðum. Með nemendum starfar öflugur hópur starfsfólks. Skólastarfið einkennist af jákvæðum skólabrag ásamt samvinnu sem miðar að því að koma til móts við ólíkar þarfir nemenda, styrkja samskipti innan nemendahópsins og skapa metnaðarfullt námsumhverfi án aðgreiningar þar sem nemendur geta látið drauma sína rætast. Við höfum undanfarið unnið að ýmsum verkefnum til að bæta kennslu og aðra þjónustu við nemendur. Megináhersla er á málþroska og læsi, leiðsagnarnám og teymisvinnu kennara, ásamt tónlist og skapandi skólastarfi. Mikil áhersla er á læsi í yngstu árgöngunum og við vinnum náið með leikskólum hverfisins til að efla málþroska nemenda. Fellaskóli er símalaus skóli, sem þýðir að nemendur nota ekki síma á skólatíma. Við bjóðum upp á skemmtilegt starfsumhverfi, flottan starfsmannahóp og rík tækifæri til að þróast í starfi.

Helstu verkefni og ábyrgð

• Forysta í þróun skólastarfs varðandi málþroska og læsi í samvinnu við stjórnendur og samstarfsfólk.
• Vinna að snemmtækri íhlutun varðandi málþroska.
• Greining og þjálfun nemenda, gerð áætlana og eftirfylgd.
• Ráðgjöf og fræðsla til nemenda, starfsfólks og foreldra.
• Tengiliður við aðila utan skólans.
• Þátttaka í málörvunarstarfi í 1. og 2. bekk.
• Teymisvinna með starfsfólki, fulltrúum leikskóla og foreldrum.

Hæfniskröfur

• Leyfi til að nota starfsheitið talmeinafræðingur.
• Áhugi á að starfa með börnum.
• Hæfni í mannlegum samskiptum.
• Hæfni til að sinna fræðslu og ráðgjöf til nemenda, starfsmanna og foreldra.
• Sjálfstæð og skipulögð vinnubrögð.
• Faglegur metnaður.
• Áhugi á að starfa í skapandi og metnaðarfullu umhverfi.
• Góð íslenskukunnátta.

Laun eru samkvæmt kjarasamningi Sambands íslenskra sveitarfélaga og hlutaðeigandi stéttarfélags. Sex mánaða handleiðsla er í boði fyrir nýútskrifaðan talmeinafræðing.