Job Description

Sundlaug Akureyrar og Íþróttamiðstöð Glerárskóla óska eftir að ráða starfsfólk í hlutastörf og fullt starf. Um er að ræða 20 – 100% starfshlutfall. Unnið er á báðum stöðum á dag-, kvöld- og helgarvöktum.

Annars vegar er um ótímabundin störf að ræða og hins vegar tímabundin afleysingarstörf.

Helstu verkefni eru:

• Öryggisgæsla.
• Þjónusta við gesti staðarins.
• Gæsla og þjónusta í búningsklefum.
• Þrif á húsnæði og útisvæði.
• Vinna í þvottahúsi sundlaugarinnar.
• Afgreiðsla.
• Vinna við fjölskyldugarð.
• Veita upplýsingar til ferðamanna.

Menntunar- og hæfniskröfur:

• Gerð er krafa um ríka þjónustulund ásamt því að eiga auðvelt með að umgangast börn sem fullorðna.
• Góður samstarfsvilji.
• Kröfur eru gerðar til umsækjenda að þeir hafi góða sundkunnáttu og standist hæfnispróf sundstaða samkvæmt reglum um öryggi á sundstöðum.
• Hreint sakavottorð samkvæmt 10. gr. Æskulýðslaga.
• Reglusemi.
• Sjálfstæð vinnubrögð
• Kostur er að umsækjandi hafi áður unnið við sundlaug.
• Umsækjendur skulu hafa náð 18 ára aldri.
• Góð íslensku- og enskukunnátta er æskileg.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Sundlaug Akureyrar er reyklaus vinnustaður.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kjalar stéttarfélags.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Pálína Dagný Guðnadóttir í síma 461-4455 eða í tölvupósti: palinadg@akureyri.is

Einungis er tekið á móti rafrænum umsóknum á heimasíðu Akureyrarbæjar: www.akureyri.is

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 31. júlí 2026.