Job Description

Fjölskyldusvið Skagafjarðar auglýsir eftir sumarstarfsfólki í stuðnings- og stoðþjónustu sem samanstendur af Dagdvöl aldraðra, heimaþjónustu og liðveislu. Starfstími er frá maí til ágústloka eða eftir samkomulagi. Um er að ræða störf í dagvinnu (25%-100%) en einnig er helgarvinna í boði (liðveisla). Sveigjanleiki er í boði varðandi starfshlutall og starfstíma.

Markmið stuðnings- og stoðþjónustu er að efla einstaklinginn til sjálfshjálpar og gera honum kleift að búa sem lengst í heimahúsi við sem eðlilegastar aðstæður. Unnið er eftir hugmyndafræði um þjónandi leiðsögn og valdeflingu.

Starfssvið:

Starf í dagdvöl aldraðra felur í sér að aðstoða einstaklinga við athafnir daglegs lífs, s.s. við umönnun og afþreyingu ásamt öðrum verkefnum. Heimaþjónusta veitir aðstoð við þrif og önnur heimilisstörf og er veitt þeim sem geta ekki hjálparlaust séð um heimilishald vegna skertrar getu eins og veikinda, álags, öldrunar eða fötlunar. Félagsleg liðveisla felst í að aðstoða einstaklinga við athafnir daglegs lífs, s.s. við umönnun og afþreyingu ásamt öðrum verkefnum.

Hæfniskröfur:

• Menntun sem nýtist í starfi er kostur, t.d. félagsliðamenntun.
• Umsækjendur þurfa að tala og skilja vel íslensku.
• Þekking og reynsla af starfi með öldruðu og/eða fötluðu fólki er kostur.
• Umsækjendur skulu hafa náð 18 ára aldri.
• Gagnkvæm virðing og umhyggja. Lipurð í mannlegum samskiptum og háttvísi. Stundvísi.
• Hreint sakavottorð skv. lögum um þjónustu við fólk með langvarandi stuðningsþarfir.

Nánari upplýsingar um störfin veitir Stefanía Sif Traustadóttir, forstöðumaður; stefaniast@skagafjordur.is, 455 6089.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Einungis er tekið við rafrænum umsóknum á heimasíðu sveitarfélagsins www.skagafjordur.is (laus störf). Upplýsingar um menntun og fyrri störf skal skila inn með umsókn.

Áhugasamir einstaklingar, óháð kyni, eru hvattir til að sækja um.

Öllum umsóknum verður svarað þegar ákvörðun um ráðningu liggur fyrir.