Job Description

Fjölskyldusvið Skagafjarðar óskar eftir sumarstarfsfólki á heimili fyrir fatlað fólk í Fellstúni, Sauðárkróki. Starfstími er frá maí til ágústloka eða eftir samkomulagi. Um er að ræða störf í vaktavinnu (50%-100%). Sveigjanleiki er í boði varðandi starfshlutall og starfstíma. Góðir tekjumöguleikar eru í boði. Getum aðstoðað við leit á húsnæði ef þörf er á.

Fellstún sér um að veita fólki fjölbreytta þjónustu sem miðar að því að styðja við sjálfstæða búsetu þess og skapa því aðstæður til að lifa sem eðlilegustu lífi á heimili sínu sem utan þess. Unnið er eftir hugmyndafræði um þjónandi leiðsögn og valdeflingu.

Helstu verkefni eru:

• Veita íbúum persónulegan stuðning og aðstoða þá við að njóta menningar-, tómstunda- og félagslífs.
• Starfið felur í sér öguð og skipulögð vinnubrögð, framkvæmd þjónustuáætlana og dagskipulags.
• Almennt heimilishald.

Hæfniskröfur:

• Menntun sem nýtist í starfi er kostur, t.d. félagsliðamenntun.
• Þekking og reynsla af starfi með fötluðu fólki er kostur.
• Umsækjendur skulu hafa náð 18 ára aldri.
• Gagnkvæm virðing og umhyggja. Lipurð í mannlegum samskiptum og háttvísi. Stundvísi.
• Almenn ökuréttindi.
• Hreint sakavottorð skv. lögum um þjónustu við fólk með langvarandi stuðningsþarfir.

Nánari upplýsingar um störfin veitir Guðberg E. Haraldsson, forstöðumaður, 453 6692, gudberg@skagafjordur.is.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Einungis er tekið við rafrænum umsóknum á heimasíðu sveitarfélagsins www.skagafjordur.is (laus störf). Upplýsingar um menntun og fyrri störf skal skila með umsókn.

Áhugasamir einstaklingar, óháð kyni, eru hvattir til að sækja um.

Öllum umsóknum verður svarað þegar ákvörðun um ráðningu liggur fyrir.