Job Description

Í Árlandi 9 er veitt sólarhringsþjónusta þar sem allt að fjögur börn og ungmenni dvelja í einu. Mikil áhersla er lögð á að skapa hlýlegt, heimilislegt og öruggt umhverfi. Stuðningsfulltrúar vinna samkvæmt stefnu Reykjavíkurborgar í málefnum fatlaðs fólks með það að markmiði að efla færni, auka sjálfstæði, styrkja jákvæða sjálfsmynd og stuðla að auknum lífsgæðum.

Í síðustu könnun Stofnun ársins hlaut Skammtímadvölin í Árlandi viðurkenningar sem fyrirmyndarstarfsstaður og hástökkvari ársins, auk þess sem hún náði 3. sæti í flokki millistórra starfsstaða.

Í boði eru störf í mismunandi starfshlutföllum og unnið er á dag-, kvöld-, nætur- og helgarvöktum. Æskilegt er að umsækjandi geti hafið störf með haustinu.

Laun eru samkvæmt kjarasamningi Reykjavíkurborgar og Sameykis.

Helstu verkefni og ábyrgð

• Styður einstaklinga við athafnir daglegs lífs, heimilishald og sjálfshjálp.
• Sinnir umönnun, fylgist með andlegri og líkamlegri líðan einstaklinga og veitir aðstoð varðandi heilsufarslega þætti eftir þörfum.
• Styður einstaklinga til virkrar þátttöku í samfélaginu, meðal annars með því að efla félagstengsl og taka þátt í afþreyingu, menningar- og íþróttastarfi.
• Framfylgir einstaklingsáætlunum í samráði við einstaklinga og ábyrgðaraðila.
• Sinnir skráningu og meðferð gagna í samræmi við verklag starfsstaðar.
• Tekur þátt í fundum og teymisvinnu sem tengjast starfinu.
• Sinnir öðrum verkefnum samkvæmt nánari ákvörðun yfirmanns.

Hæfniskröfur

• Reynsla af starfi með börnum, ungmennum eða fötluðu fólki er æskileg.
• Menntun sem nýtist í starfi er kostur.
• Mjög góð samskiptahæfni og jákvætt viðhorf.
• Frumkvæði, yfirvegun og sjálfstæði í vinnubrögðum.
• Bílpróf.
• Umsækjandi þarf að hafa náð 20 ára aldri.
• Íslenskukunnátta B1 samkvæmt samevrópskum tungumálaramma.
• Hreint sakavottorð í samræmi við lög og reglur Reykjavíkurborgar.

Nánari upplýsingar um starfið veitir Daníel Þór Friðriksson, forstöðumaður, í tölvupósti daniel.thor.fridriksson@reykjavik.iseða í síma 615-4456 á venjulegum skrifstofutíma.