Job Description

Árland 9 er skammtímadvöl fyrir fötluð börn og ungmenni. Börnin dvelja þar reglulega og eru heima hjá fjölskyldum sínum þess á milli. Mikil áhersla er lögð á að skapa hlýlegt, heimilislegt og öruggt umhverfi þar sem börnin njóta stuðnings, umönnunar og tækifæra til að efla færni sína og sjálfstæði.

Stuðningsfulltrúar starfa samkvæmt stefnu Reykjavíkurborgar í málefnum fatlaðs fólks með það að markmiði að efla færni, auka sjálfstæði, styrkja jákvæða sjálfsmynd og stuðla að auknum lífsgæðum.

Skammtímadvölin í Árlandi hlaut á síðasta ári viðurkenningar í könnuninni Stofnun ársins sem fyrirmyndarstarfsstaður og hástökkvari ársins. Einnig lenti starfsstaðurinn í 3. sæti í flokki millistórra starfsstaða.

Um er að ræða tímbunda eða ótímabundna stöðu í 50–80% starfshlutfalli. Unnið er á dag-, kvöld-, nætur- og helgarvöktum aðra hvora helgi. Börnin eru yfirleitt í skóla og frístundastarfi á virkum dögum og því eru aðeins morgun- og kvöldvaktir á þeim tíma. Æskilegt er að umsækjendur geti sinnt öllum tegundum vakta.

Laun eru samkvæmt kjarasamningi Reykjavíkurborgar og Sameykis.

Helstu verkefni og ábyrgð

• Styðja börn og ungmenni við athafnir daglegs lífs, heimilishald og sjálfshjálp.
• Sinna umönnun, fylgjast með andlegri og líkamlegri líðan og veita aðstoð varðandi heilsufarslega þætti eftir þörfum.
• Styðja börn og ungmenni til virkrar þátttöku í samfélaginu, meðal annars með því að efla félagstengsl og taka þátt í afþreyingu, menningar- og íþróttastarfi.
• Framfylgja einstaklingsáætlunum í samráði við börn, ungmenni og aðstandendur eftir því sem við á.
• Skrá og meðhöndla upplýsingar samkvæmt verklagi starfsstaðarins.
• Taka þátt í fundum og teymisvinnu.
• Sinna öðrum verkefnum samkvæmt ákvörðun yfirmanns.

Hæfniskröfur

• Reynsla af starfi með börnum, ungmennum eða fötluðu fólki er æskileg.
• Menntun eða nám sem nýtist í starfi er kostur.
• Mjög góð samskiptahæfni og jákvætt viðhorf.
• Þolinmæði og lausnamiðuð nálgun í krefjandi aðstæðum.
• Frumkvæði, yfirvegun og sjálfstæði í vinnubrögðum.
• Gilt bílpróf.
• Umsækjandi þarf að hafa náð 20 ára aldri.
• Íslenskukunnátta að lágmarki B1 samkvæmt samevrópskum tungumálaramma.
• Hreint sakavottorð í samræmi við lög og reglur Reykjavíkurborgar.

Hlunnindi í starfi

• Styttri vinnuvika
• Samgöngu- og heilsuræktarstyrkir
• Sund- og menningarkort

Nánari upplýsingar

Nánari upplýsingar um starfið veitir Daníel Þór Friðriksson, forstöðumaður, í netfanginu daniel.thor.fridriksson@reykjavik.is eða í síma 664 2727 á skrifstofutíma.