Job Description

Frostheimar leitar að áhugasömu og hæfu starfsfólki í hlutastörf á frístundaheimilinu næstkomandi skólaár (2026/2027). Áhugasömum er bent á að starfið hófst 24. ágúst og því er ráðið í hlutastörf við frístunaheimilin frá og með þeim tíma.

Á frístundaheimilum er boðið upp á fjölbreytt tómstundastarf þegar hefðbundnum skóladegi 6-9 ára barna lýkur um 13:30 og er starfið kjörið fyrir þau sem eru í skóla og leita að skemmtilegu hlutastarfi með námi eða þau sem vilja vinna í ca. 20-50% starfi eftir hádegi.

Meginmarkmið starfsins er að efla félags- og samskiptafærni barna í gegnum leik og starf og að virkja þau til þátttöku. Hæft og áhugasamt starfsfólk er lykillinn að því að veita börnunum og foreldrum sem sækja þjónustu til Frostheima fyrsta flokks þjónustu og gegna hæfir og áhugasamir frístundaleiðbeinendur/frístundaráðgjafar þar veigamiklu hlutverki.

Frostheimar heyrir undir skóla- og frístundasvið Reykjavíkurborgar, sem leggur áherslu á starfsþróun og vellíðan starfsfólks og við störfum samkvæmt menntastefnu Reykjavíkurborgar

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

• Vinna samkvæmt samþykktri einstaklingsáætlun.
• Veita einstaklingsbundinn stuðning í samræmi við leiðbeiningar foreldra, forstöðumann og ráðgjafaþroskaþjálfa.
• Skipulagning á faglegu frístundastarfi fyrir 6-9 ára börn.
• Leiðbeina börnum í leik og starfi.
• Samráð og samvinna við börn og annað starfsfólk.
• Samskipti og samstarf við foreldra, starfsfólk skóla og aðra sem koma að frístundaheimilinu.

Hæfniskröfur

• Menntun eða reynsla sem nýtist í starfi.
• Áhugi á að vinna með fötluðum börnum og/eða börnum sem þurfa sértækan stuðning v. annarra ástæðna en fötlunar
• Frumkvæði og sjálfstæði.
• Færni í samskiptum.
• Íslenskukunnátta á stigi A2 samkvæmt evrópska tungumálarammanum.
• Hreint sakavottorð í samræmi við lög sem og reglur Reykjavíkurborgar.

Í boði eru hlutastörf 20-50% eftir hádegi frá 24. ágúst.

Laun eru samkvæmt samningi Reykjavíkurborgar og Sameykis.

Sé óskað nánari upplýsinga um starfið má senda tölvupóst á Kristnýju Rós H. Gústafsdóttir forstöðukonu Frostheima á netfangið: kristny.ros.gustafsdottir@reykjavik.is

Ráðningarform - Timabundin ráðning til 10. júní 2027