Job Description

Íbúðakjarninn Barðastöðum 35 leitar að jákvæðum og metnaðarfullum stuðningsfulltrúum í afleysingar með möguleika á áframhaldandi starfi eftir sumarið.

Á Barðastöðum er þéttur, skemmtilegur, kraftmikill og samheldinn starfsmannahópur sem tekur vel á móti nýju fólki.

Starfið er fjölbreytt þar sem leitast er við að mæta þörfum og óskum íbúa hverju sinni. Rík áhersla er á teymisvinnu til að tryggja framúrskarandi gæðaþjónustu til íbúanna. Unnið er eftir hugmyndafræði sjálfstæðs lífs og þjónandi leiðsagnar. Starf stuðningsfulltrúa byggir á stefnu Reykjavíkurborgar um þjónustu við fatlað fólk á heimilum sínum.

Starfshlutfall er 100% með blönduðum vöktum, morgun, kvöld og helgarvaktir.

Karlmenn eru sérstaklega hvattir til þess að sækja um.

Helstu verkefni og ábyrgð

• Hlutverk stuðningsfulltrúa er að styðja og aðstoða íbúa við allar athafnir daglegs lífs. Í því felst að gera íbúum kleift að búa á eigin heimili, stunda vinnu og njóta menningar og félagslífs.
• Stuðningsfulltrúi aðstoðar við framkvæmd einstaklingaáætlana í samráði við einstaklinga og ábyrgðaraðila.
• Veitir aðstoð við meðferð fjármuna í samráði við einstaklinga og stjórnendur. Hann tekur þátt í fundum og teymisvinnu. sem tengjast starfinu.

Hæfniskröfur

• Góð almenn menntun.
• Reynsla af starfi með fötluðu fólki æskileg.
• Íslenskukunnátta á stigi B2 samkvæmt evrópska tungumálarammanum.
• Viðkomandi þarf að vera 20 ára eða eldri.
• Góð hæfni í mannlegum samskiptum og jákvæðni í starfi.
• Frumkvæði, áreiðanleiki og sjálfstæði í vinnubrögðum.
• Bílpróf er nauðsynlegt.
• Hreint sakavottorð í samræmi við lög sem og reglur Reykjavíkurborgar.

Frekari upplýsingar um starfið

Laun eru samkvæmt samningi Reykjavíkurborgar og Sameykis.

Nánari upplýsingar um starfið veitir Guðrún Ósk Grettisdóttir í síma 661-0613 eða á netfangið gudrun.osk.grettisdottir@reykjavik.is