Job Description

Heilsuvernd Hjúkrunarheimili óska eftir að ráða starfsmann í iðju- og dagþjálfun á Hlíð. Um 80-90% starfshlutfall er að ræða eftir samkomulagi. Við leitum að einstaklingi sem hefur jákvæðni og góð samskipti að leiðarljósi, er sjálfstæður í vinnubrögðum en vill um leið vera hluti af sterku teymi. Æskilegt er að viðkomandi geti hafið störf í lok ágúst byrjun september.

Helstu verkefni og ábyrgð

• Sjá um og leiða fjölbreytta virkni fyrir notendur í dagþjálfun og íbúa heimilisins, hvetja til virkrar þátttöku og stuðla að aukinni vellíðan og lífsgæðum
• Þjónusta við notendur dagþjálfunar og íbúa heimilisins sem eiga það sameiginlegt að búa við skerta færni vegna öldrunar og/eða veikinda
• Aðstoð við athafnir daglegs lífs, félagsleg örvun og stuðningur í þeim tilgangi að hámarka lífsgæði notenda og viðhalda sjálfstæði þeirra
• Starfinu fylgja mikil samskipti við notendur, íbúa, aðstandendur og samstarfsfólk og skal umhyggja og virðing endurspeglast í öllum þáttum starfsins

Menntunar- og hæfniskröfur

• Almenn menntun
• Áhugi á þjónustu við aldraða og þá sem búa við langvinn og/eða alvarleg veikindi er skilyrði og kostur að búa yfir reynslu á því sviði
• Vilji og áhugi til að starfa eftir Eden hugmyndafræðinni
• Frumkvæði, sjálfstæð vinnubrögð og hæfileikar í mannlegum samskiptum
• Að geta unnið sem hluti af heild og með öðrum í þeim tilgangi að hámarka árangur
• Góð kunnátta í íslensku

Um Heilsuvernd Hjúkrunarheimili

Heilsuvernd Hjúkrunarheimili veita almenna og sérhæfða dag- og sólarhringsþjónustu fyrir aldraða og aðra sem búa við skerta færni vegna langvinnra eða flókinna veikinda. Um er að ræða fjölbreytta og áhugaverða starfsemi sem er í stöðugri þróun. Unnið er eftir Eden hugmyndafræðinni með áherslu á sjálfstæði, hlýjan heimilisbrag og lífsgæði íbúa sem og annarra notenda þjónustunnar.

Umsóknarfrestur um starfið er til og með 04. ágúst 2026.

Nánari upplýsingar um starfið veitir: Harpa Dögg Sigurðardóttir forstöðumaður harpadogg@hlid.is eða Jóhanna Margrét Gunnarsdóttir deildarstjóri johannamg@hlid.is

Einungis er tekið á móti umsóknum í gegnum ráðningasíðu Heilsuverndar Hjúkrunarheimilis.

Heilsuvernd Hjúkrunarheimili leggja áherslu á góðvild og gleði í öllum samskiptum því hver dagur er dýrmætur!

Frekari upplýsingar um Heilsuvernd Hjúkrunarheimili má finna á heimasíðunni hlid.is