Job Description

• Hefur þú áhuga á því að vinna með fólki ?
• Hefur þú áhuga á því að auka lífsgæði einstaklinga ?

Við leitum að starfsfólki til að veita einstaklingum á öllum aldri stuðning til þess að njóta tómstunda og afþreyingar. Þau eru líka að leita að þér !

Endilega kynntu þér málið – þetta gæti verið eitthvað fyrir þig !

Unnið er í tímavinna, c.a. 8-15 tíma á mánuði, og vinnutími er oftast nær seinnipart dags og/eða um helgar. Starfið gæti því hentað vel með námi og/eða annarri vinnu.

Einstaklingsstuðningur við fatlaða einstaklinga miðar einkum að því að rjúfa félagslega einangrun. Stuðningurinn felst m.a. í aðstoð við að njóta tómstunda, menningar og félagslífs. Einstaklingar sem þjónustan snýr að eru frá sex ára aldri og áskoranir þeirra í lífinu er með misjöfnum og fjölbreyttum hætti. Innan þjónustunnar er því unnið að pörun einstaklinga í því markmiði að hámarka gæði hennar.

Helstu verkefni:

• Stuðlar að lífsgæðum einstaklings með einstaklingsmiðari nálgun til dægrastyttingar.
• Að styðja notendur í að öðlast sjálfstæði í félagslegum aðstæðum, t.d. með þátttöku í menningarviðburðum.
• Að hjálpa notendum að bæta lífsgæði sín með þátttöku í tómstundum sem stuðla að aukinni félagslegri virkni.
• Að skapa upplifanir sem styrkja persónulegan þroska.
• Að hvetja notendur til að stíga út fyrir þægindarammann og uppgötva nýja styrkleika.
• Að efla félagsfærni og sjálfsmynd með fjölbreyttum viðfangsefnum.

Hæfniskröfur:

• Reynsla af starfi með fólki er kostur.
• Bílpróf er kostur.
• Vandvirkni, samviskusemi, þagmælska og trúnaður í samskiptum við notendur og aðra er tengjast starfinu.
• Frumkvæði og sjálfstæði í starfi.
• Samskiptafærni og sveigjanleiki vegna mismunandi þarfa þeirra einstaklinga sem verið er að styðja.
• Jákvætt viðhorf til fólks með fötlun og réttinda þeirra.
• Virðing fyrir þeim einstaklingi sem veita þarf stuðning, sérkennum hans, réttindum og skoðunum.
• Áhugi á og vilji til að tileinka sér nýja þekkingu og leggja sitt af mörkum til að bæta þjónustuna og auka lífsgæði þeirra einstaklinga sem verið er að styðja.
• Aðeins einstaklingar sem eru 18 ára og eldri koma til greina.
• Hreint sakavottorð skv. lögum um þjónustu við börn og fatlað fólk er skilyrði.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Einingar- Iðju.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veita verkefnastjórar einstaklingsstuðnings Anna Lilja Hauksdóttir og Salka Sigurðardóttir, netfang einstaklingsstudningur@akureyri.is Einnig er hægt að hafa samband í síma 460 1075 og 460 1232.

Einungis er tekið á móti rafrænum umsóknum á www.akureyri.is

Aðgengi að tölvu og aðstoð við innskráningu umsókna stendur til boða í þjónustuveri Akureyrarbæjar, Geislagötu 9.