Job Description

Norðlingaskóli er heildstæður grunnskóli með rúmlega 500 nemendur í 1. – 10. bekk. Skólinn er staðsettur í einstöku umhverfi í Norðlingaholti og er mikilvægur hluti af samfélaginu. Við skólann er samþætt grunnskóla- og frístundastarf.

Í Norðlingaskóla er lögð áhersla m.a. á teymiskennslu, samkennslu árganga, einstaklingsmiðað nám, smiðjuvinnu, náið samráð við foreldra, nýbreytni og skólaþróun. Allt skólastarf byggir á teymisvinnu starfsfólks.

Stefna og starf skólans grundvallast á því lífsviðhorfi að hverjum einstaklingi skuli búinn námsskilyrði svo hann megi þroskast og dafna á eigin forsendum og útskrifast úr grunnskóla sem sjálfstæður, sterkur og lífsglaður einstaklingur.

Helstu verkefni:

• Skipuleggur nám og sinnir kennslu nemenda með sérþarfir í samvinnu við aðra fagaðila, ásamt umsjónarkennurum og stoðþjónustu skólans.
• Tekur þátt í þróun skólastarfs með stjórnendum og samstarfsmönnum.
• Stuðlar að velferð nemenda í samstarfi við foreldra og annað fagfólk.

Hæfniskröfur:

• Leyfi til að nota starfsheitið kennari.
• Framhaldsmenntun í sérkennslu æskileg eða kennslureynsla í grunnskóla.
• Hæfni í mannlegum samskiptum og sveigjanleiki í starfi.
• Faglegur metnaður og frumkvæði í starfi.
• Reynsla og áhugi á að starfa með börnum.
• Áhugi og vilji til að starfa í teymisvinnu.
• Skipulögð vinnubrögð.
• Áhugi á rafrænum kennsluháttum.
• Góð íslenskukunnátta er algjört skilyrði.

Frekari upplýsingar um starfið

Laun eru samkvæmt samningi Sambands íslenskra sveitarfélaga og Félags grunnskólakennara.

Umsækjendur eru beðnir um að senda umsókn á íslensku, ásamt upplýsingum um nám og starfsreynslu, auk kynningarbréfs, í gegnum vef Reykjavíkurborgar þar sem starfið er auglýst.

Frekari upplýsingar um Norðlingaskóla er að finna á heimasíðu skólans: nordlingaskoli.is.

Nánari upplýsingar um starfið veitir Jónína Rós Guðmundsdóttir, aðstoðarskólastjóri í s: 411-7640.