Job Description

Við leitum að metnaðarfullum og umhyggjusömum einstaklingi til að ganga til liðs við sérkennsluteymið okkar. Starfið felst í að veita einstaklingsmiðaðan stuðning við börn sem þurfa sérstaka aðstoð í leik og námi.

Ævintýraborg við Nauthólsveg er 6 deilda leikskóli sem staðsettur er í fallegu umhverfi. Öskjuhlíð og Nauthólsvík eru hluti af okkar daglega uppeldis- og námsumhverfi og leggjum við áherslu á útinám, læsi, félagsfærni og nám í gegnum leik þar sem forvitni og vellíðan barna er í fyrirrúmi.

Einkunnarorð leikskólans eru virðing, vinátta og vellíðan. Hjá okkur starfar samhentur og hlýr hópur sem leggur ríka áherslu á vellíðan, gleði og fagmennsku í starfi með börnum. Við trúum því að börn læri best í gegnum leik, forvitni og tengsl og að starfsfólk sem fær að njóta sín skapi bestu aðstæðurnar fyrir börnin.

Helstu verkefni og ábyrgð

Starfið er unnið í samstarfið við sérkennslustjóra og deildarstjóra. Helstu verkefni og ábyrgð eru að:

• Sjá um umönnun, kennslu og þjálfun barns í takt við þarfir þess.
• Setja upp einstaklingsáætlanir og endurmeta þær.
• Vera í samstarfi við foreldra, fagaðila og aðra ráðgjafa eftir atvikum.

Menntunar- og hæfniskröfur

• þroskaþjálfamenntun, leikskólakennaramenntun, sálfræðimenntun eða önnur sambærileg menntun sem nýtist í starfi.
• Reynsla af sérkennslu er æskileg.
• Lipurð og sveigjanleiki í samskiptum.
• Stundvísi og áreiðanleiki.
• Frumkvæði í starfi og faglegur metnaður.
• Sjálfstæð og skipulögð vinnubrögð.
• Góð tölvukunnátta.
• Íslenskukunnátta á stigi B2 samkvæmt evrópska tungumálarammanum.
• Hreint sakavottorð er skilyrði.

Fríðindi í starfi

• Forgangur í leikskóla fyrir börn starfsfólks og afsláttur af leikskólagjöldum.
• Frítt fæði á vinnutíma.
• Heilsuræktarstyrkur.
• Samgöngustyrkur.
• Menningar- og bókasafnskort.
• Sundkort í allar sundlaugar í Reykjavík.
• 36 stunda vinnuvika.

Starfið er laust strax eða eftir samkomulagi.

Upplýsingar um starfið veitir leikskólastjóri, Anna Metta Norðdahl, í tölvupósti: anna.metta.norddahl@reykjavik.is eða síma 411-6760

Laun eru samkvæmt samningi sambands íslenskra sveitarfélaga og KÍ/FL