Job Description

Mótaðu framtíð raforkumarkaðarins

Við hjá Landsneti leitum að reynslumiklum sérfræðingi í viðskiptaþróun sem vill taka þátt í að móta framtíð raforkumarkaðarins á Íslandi. Starfið felur í sér verkefni sem snúa að þróun gjaldskrár og þróun viðskiptaumhverfis raforkumarkaðarins.

Þú verður hluti af teymi viðskiptaþróunar þar sem unnið er að nýsköpun í þjónustu og viðskiptum í takt við þróun raforkumarkaðarins hérlendis og erlendis.

Helstu verkefni

• Greining og þróun verkefna sem snúa að gjaldskrármálum, verðlagningu og þróun raforkumarkaðarins.
• Verkefnastjórn breytinga á viðskiptaumhverfi Landsnets og innleiðing nýrra lausna.
• Samskipti við eftirlitsaðila, viðskiptavini og aðra hagaðila raforkumarkaðarins.
• Þátttaka í þróun raforkumarkaðarins og verkefnum tengdum markaðsvæðingu raforkumála.
• Aðkoma að viðskiptaáætlunum, hagrænum greiningum og mati á fjárfestingaverkefnum.

Við leitum að einstaklingi sem

• Hefur háskólamenntun á sviði hagfræði, viðskiptafræði eða aðra sambærilega menntun sem nýtist í starfi.
• Hefur reynslu af stefnumótandi verkefnum, greiningum eða þróun viðskiptaumhverfis.
• Hefur þekkingu á verðlagningu, gjaldskrám, markaðsmálum eða sambærilegum viðfangsefnum.
• Hefur reynslu af verkefnastjórnun og innleiðingu breytinga.
• Hefur sterka greiningarhæfni og góða yfirsýn.
• Getur átt árangursrík samskipti við ólíka hagaðila og byggt upp traust samstarf.

Við bjóðum þér

• Tækifæri til að hafa áhrif á þróun raforkumarkaðarins og framtíð innviða samfélagsins.
• Samstarf við fjölbreyttan hóp sérfræðinga innan Landsnets og utan þess.
• Krefjandi og fjölbreytt verkefni þar sem stefnumótun, greiningar og breytingar fara saman.
• Sveigjanlegt og metnaðarfullt starfsumhverfi sem styður við þróun og nýsköpun.
• Skemmtilegt vinnuumhverfi með aðstöðu til líkamsræktar, frábæru mötuneyti og svo margt fleira.

Umsóknarfrestur er til og með 21. júní 2026.

Við hvetjum öll áhugasöm til að sækja um óháð uppruna, aldri eða kyni. Umsókn þarf að fylgja starfsferilskrá og kynningarbréf þar sem þú segir okkur af hverju þig langar að bætast í hópinn.

Nánari upplýsingar veitir Sunna Guðmundsdóttir, forstöðumaður viðskiptaþróunar á sunna@landsnet.is.

Öllum umsóknum verður svarað og farið með þær sem trúnaðarmál.

Við erum lykilinnviður þjóðarinnar og allt okkar starf snýst um að flytja orku sem drífur áfram lífsgæði og sköpunarkraft samfélagsins til framtíðar. Við erum líka framsækið þekkingarfyrirtæki sem býður kraftmiklu starfsfólki spennandi verkefni við aðstæður þar sem umhyggja, jafnrétti og öryggi eru í fyrirrúmi.