Job Description

Um teymið

DevOps teymið er sjálfstæð eining sem byggir og rekur sameiginlega innviði, sjálfvirkniverkfæri og CI/CD flæði fyrir þróunarteymi Sýnar. Í starfi okkar sjáum við um allt frá Terraform-stýrðum innviðum á AWS og staðbundnum sýndarvélum yfir í nýsköpun á sviði gervigreindardrifinna verkfærna og spec-driven þróunarferla.

Helstu verkefni og ábyrgð

• Hönnun og viðhald á innviðum með Terraform (AWS og on-prem)
• Þróun og umsjón CI/CD flæða í GitHub Actions – samnýtanleg workflow og starfsvenjur
• Sjálfvirkni á og eftirlit með rekstrarverkferlum með skriftumálum (Bash, Python, Temporal.io)
• Greining og lausn vandamála í flóknum kerfum, þar á meðal eldri kerfum með takmarkaða skjölun
• Þátttaka í uppbyggingu á gervigreindardrifnum verkfærum og agent-lausnum
• Samstarf við þróunarteymi – veita leiðsögn, byggja sjálfsafgreiðslulausnir og tryggja góða þróunarupplifun

Hæfniskröfur:

• 3+ ára reynsla af innviðastjórnun, sjálfvirkni eða DevOps
• Góð þekking á Terraform og Infrastructure as Code hugmyndafræði
• Reynsla af CI/CD hönnun, helst GitHub Actions
• Sterk hæfni í skriftun og sjálfvirkni (Bash og/eða Python)
• Reynsla af bæði skýjalausnum (AWS) og staðbundnum sýndarvélum
• Hæfni í vandamálagreiningu – geta kafað í óþekkt kerfi og fundið kjarnann

Kostur ef þú hefur

• Verkferlamiðað hugarfar
• Reynslu af gervigreindardrifnum verkfærum eða
• Þekkingu á spec-driven þróunaraðferðum
• Bakgrunn í öfugverkfræði (reverse engineering) eða kerfagreiningum
• Reynslu af að byggja innri verkfæri og sjálfsafgreiðslulausnir fyrir þróunarteymi

Hvers konar manneskja leitum við að?

Þú ert forvitin, með drifkraft og sjálfstæð í vinnubrögðum en þrífst einnig vel í samstarfi við aðra. Þú hefur áhuga á tækni – ekki bara sem starfi heldur sem áhugamáli. Þú sérð ferli sem hægt er að bæta, áttar þig á virðissköpun, gerir áætlun, framkvæmir beturumbætur og kynnir verkefnið og lausnina inná við. Þú vilt vera í umhverfi þar sem nýjungar eru velkomnar og hlutirnir þróast hratt.

Fríðindi í starfi

• Frábæra vinnufélaga
• Framúrskarandi vinnuaðstöðu
• Mötuneyti á heimsmælikvarða
• Internet- og farsímaáskrift
• Streymisveitu Sýnar og Viaplay
• Árlegan heilsustyrk
• Árlegan símtækjastyrk
• Samgöngustyrk fyrir þá sem nýta sér vistvæna ferðamáta til og frá vinnu
• Öflugt starfsmannafélag og frábæra vinnustaðamenningu

Við hvetjum áhugasöm af öllum kynjum til að sækja um í gegnum ráðningavefinn okkar. Umsóknarfrestur er til og með 31. ágúst 2026.

Fyrir nánari upplýsingar má senda póst á mannaudur@syn.is

Hver erum við?

Sýn er leiðandi afl á sviði fjarskipta og fjölmiðlunar á Íslandi. Hjá Sýn sameinum við það besta úr heimi tækni og afþreyingar og breytum hversdagsleikanum í upplifun. Það er betra að vera með Sýn – hvort sem þú ert að horfa, hlusta, vafra eða vinna.

Hjá Sýn leggjum við áherslu á að starfsfólk upplifi vellíðan í vinnu. Það gerum við með því að búa starfsfólki framúrskarandi vinnuaðstöðu, huga að líkamlegri og andlegri heilsu þess og gefa því möguleika á sveigjanleika í vinnu. Við viljum að fólki líði vel í vinnunni, upplifi sig sem hluta af sterkri liðsheild, fái útrás fyrir sköpunarþörf sína og tækifæri til að takast á við verkefni þar sem styrkleikar þeirra fá helst notið sín. Sýn vill þannig stuðla að jákvæðri sjálfsmynd og góðu sjálfstrausti starfsfólks og að starfsfólk sýni frumkvæði í starfi. Við trúum því að fyrirtækinu gangi best þegar starfsfólkið er upp á sitt BESTA.