Job Description

Ferro Zink leitar að viðskiptadrifnum og metnaðarfullum sölustjóra stáls til starfa á starfsstöð félagsins í Hafnarfirði. Um er að ræða lykilhlutverk innan félagsins þar sem viðkomandi ber heildarábyrgð á rekstri, sölu og arðsemi stálsviðs Ferro Zink. Sölustjóri mótar verðstefnu sviðsins, stýrir framlegð og gegnir lykilhlutverki í áframhaldandi þróun viðskipta félagsins. Við leitum að einstaklingi með sterka viðskiptavitund, ríka þjónustulund og góðan skilning á verðmyndun, greiningum og kostnaði sem hefur metnað til að byggja upp arðbær og langvarandi viðskiptasambönd.

Helstu verkefni

• Móta og stýra verðlagningu með hliðsjón af markaðsaðstæðum, kostnaði og framlegðarmarkmiðum
• Gerð og eftirfylgni sölu- og rekstraráætlana
• Annast tilboðsgerð og samningaviðræður
• Byggja upp og viðhalda sterkum tengslum við viðskiptavini
• Greina markaðsþróun, samkeppnisumhverfi og ný tækifæri til vaxtar
• Fylgjast með þróun hrávöruverðs og áhrifum þess á rekstur sviðsins
• Virkt samstarf við innkaup, lager, framleiðslu, fjármál og stjórnendur félagsins
• Þátttaka í stefnumótun og áframhaldandi þróun Ferro Zink

Hæfniskröfur

• Reynsla af sölu, viðskiptaþróun eða rekstrarstýringu
• Sterk viðskiptavitund og góður skilningur á framlegð, kostnaði og verðlagningu
• Reynsla af samningaviðræðum og tilboðsgerð
• Góð greiningarhæfni og færni til að nýta gögn við ákvarðanatöku
• Þekking eða mreynsla af stáliðnaði, byggingariðnaði eða sambærilegum greinum er kostur
• Frumkvæði, sjálfstæð vinnubrögð og árangursdrifin hugsun
• Framúrskarandi samskipta- og samstarfshæfni
• Góð íslensku- og enskukunnátta
• Viðeigandi menntun er kostur, en reynsla og þekking geta vegið þar upp á móti

Ferro Zink ehf. er markaðsdrifið þjónustufyritæki með yfirgripsmikla þjónustu og vörur. Sandblástur og Málmhúðun sf. var stofnað á Akureyri í febrúar árið 1960. Árið 1991 stofnuðu eigendurnir í samvinnu við aðra aðila, Ferro Zink hf. í Hafnarfirði. Voru fyrirtækin sameinuð í ársbyrjun 2008 undir nafninu Ferro Zink hf. Í dag fer starfsemin fram í 3.500 fermetra húsnæði á 20.000 fermetra lóð að Árstíg 6, Akureyri og í 2.500 fermetra húsnæði á 10.000 fermetra lóð að Álfhellu 12-14, Hafnarfirði.

Nánari upplýsingar

Hlynur Atli Magnússon – hlynur@hagvangur.is