Job Description

Árskóli á Sauðárkróki auglýsir laust til umsóknar nýtt starf skrifstofustjóra. Um 60% starf er að ræða frá 1. ágúst 2026 eða eftir samkomulagi. Skrifstofustjóri vinnur náið með stjórnendum að fjölbreyttum verkefnum í krefjandi og metnaðarfullu starfsumhverfi.

Árskóli er heildstæður grunnskóli fyrir nemendur sem búa á Sauðárkróki, í Hegranesi, á Reykjaströnd og á Skaga. Í Árskóla vinnur sérmenntað starfsfólk saman að því að mæta ólíkum einstaklingum með krefjandi verkefnum við hæfi hvers og eins. Starfsemi Árskóla fer fram í húsnæði skólans við Skagfirðingabraut. Í Árskóla eru um 390 nemendur í 1.-10. bekk. Skólinn er deildaskiptur í yngsta stig, miðstig og unglingastig.

Leitað er að öflugum og metnaðarfullum einstaklingi til að sinna fjölbreyttum og ábyrgðarmiklum verkefnum á skrifstofu skólans. Skrifstofustjóri gegnir lykilhlutverki í daglegum rekstri skólans og starfar í nánu samstarfi við skólastjórnendur, starfsfólk, nemendur og foreldra.

Helstu verkefni og ábyrgð

• Umsjón og ábyrgð á daglegum rekstri skrifstofu skólans.
• Mótttaka og þjónusta við nemendur, foreldra, starfsfólk og gesti skólans.
• Umsjón með skráningu og utanumhaldi nemendaupplýsinga í námskerfum.
• Umsjón með Vinnustund, skráningum og yfirferð vinnuskýrslna.
• Umsjón með skráningu nemenda, forfallaskráningu og skipulagi forfalla.
• Vinna við skjalavörslu
• Gerð vinnuskýrslna og annarra rekstrargagna.
• Umsjón með pöntunum á vörum og þjónustu sem nauðsynleg eru fyrir rekstur skólans.
• Umsjón með upplýsingagjöf og þjónustu við nemendur, foreldra og starfsfólk.
• Stuðla að velferð nemenda og góðum samskiptum við forsjáraðila í samstarfi við fagfólk skólans.
• Önnur tilfallandi verkefni í samstarfi við skólastjórnendur.

Menntunar- og hæfniskröfur

• Háskólamenntun sem nýtist í starfi.
• Mjög góð þekking og reynsla af skrifstofustörfum, helst innan skóla- eða opinberrar stjórnsýslu.
• Þekking á upplýsingakerfum eins og Mentor er kostur.
• Þekking og reynsla á Vinnustund er kostur.
• Mjög góð tölvukunnátta og hæfni til að tileinka sér ný kerfi.
• Lipurð í samskiptum og samstarfshæfni, þjónustulund og fagleg framkoma.
• Frumkvæði, sjálfstæði í vinnubrögðum og góð skipulagshæfni.
• Stundvísi og áreiðanleiki.
• Mjög góð íslenskukunnátta og góð enskukunnátta í rituðu og töluðu máli.
• Hreint sakavottorð skv. lögum um grunnskóla.

Vinnutími er frá kl. 07:40 alla virka daga skv. nánara samkomulagi.

Laun eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Nánari upplýsingar veitir Kristján Bjarni Halldórsson, skólastjóri, kristjan@arskoli.is, 4551101 / 6914999.

Einungis er tekið við rafrænum umsóknum á heimasíðu sveitarfélagsins (laus störf). Prófskírteini, leyfisbréf og greinargóð ferilskrá skal fylgja umsókn.

Áhugasamir einstaklingar, óháð kyni, eru hvattir til að sækja um. Öllum umsóknum verður svarað að lokinni ráðningu.