Job Description

Dalabyggð leitar að skólastjóra Auðarskóla, samrekinn leik-, tónlistar- og grunnskóla í Búðardal. Við leitum að leiðtoga með metnað, hlýju og áhuga á öflugu skólastarfi í samfélagi þar sem hægt er að hafa raunveruleg áhrif.

Skólastjóri ber ábyrgð á starfsemi skólans, rekstri og mannauðsmálum. Hann gegnir lykilhlutverki í mótun skólastarfsins og í samstarfi skóla og samfélags.

Meginverkefni og ábyrgð

• Stjórnun og ábyrgð á daglegri starfsemi og rekstri skólans
• Veita faglega forystu og leiða þróun skólastarfs í samræmi við menntastefnu Dalabyggðar
• Hafa forystu um og styðja samstarf í samræmi við farsældarlög
• Leiða samstarf starfsfólks, nemenda, heimila og skólasamfélagsins í heild
• Samstarf við fræðslunefnd, sveitarstjóra og sveitarstjórn

Menntunar- og hæfniskröfur

• Leyfisbréf til kennslu og kennslureynsla á grunnskólastigi
• Framhaldsmenntun í stjórnun eða uppeldis- og kennslufræðum er æskileg
• Reynsla af stjórnun og faglegri forystu í skólastarfi
• Reynsla af rekstri og gerð fjárhagsáætlana er æskileg
• Framúrskarandi hæfni og lipurð í mannlegum samskiptum
• Leiðtogafærni, metnaður og styrkur til ákvarðana
• Skipulagshæfni og góð yfirsýn
• Góð hæfni til að tjá sig í ræðu og riti, á íslensku og ensku

Æskilegt að viðkomandi geti hafið störf í síðasta lagi 1. ágúst 2026.

Með umsókn skal fylgja kynningarbréf, ferilskrá, afrit af prófskírteinum og leyfisbréfi. Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags. Starfshlutfallið er 100%. Við hvetjum áhugasama, óháð kyni til að sækja um starfið.

Í Dalabyggð sameinast kyrrð, hæglæti, gott samfélag og tækifæri í lífsgæðum. Í Búðardal er öflug íþróttaaðstaða, fjölbreytt félagslíf, helsta þjónusta og samfélag sem tekur vel á móti fólki. Hér hægja umferðateppur og rauð ljós ekki á þér — en gæti farið svo að þú hægir oftar á þér til að veifa brosandi andlitum.

Frekari upplýsingar

Þórdís Sif Arnarsdóttir – thordis@hagvangur.is

Geirlaug Jóhannsdóttir - geirlaug@hagvangur.is