Job Description

Sjálandsskóli óskar eftir að ráða náms- og starfsráðgjafa í fullt starf frá 1. ágúst 2026. Um er að ræða tímabundna afleysingu í eitt ár.

Sjálandsskóli er heildstæður grunnskóli fyrir nemendur í 1.-10. bekk og er staðsettur í Garðabæ. Í skólanum eru rúmlega 260 nemendur. Í Sjálandsskóla ríkir góður starfsandi þar sem allt starfsfólk vinnur saman að því að byggja upp fjölbreytt og skapandi skólastarf með áherslu á útinám. Aðstaða starfsfólks og nemenda er til fyrirmyndar. Leitað er eftir einstaklingi sem er tilbúinn að starfa að sveigjanlegu skólastarfi í teymisvinnu og samkvæmt skólastefnu Sjálandsskóla.

Helstu verkefni og ábyrgð:

• Að standa vörð um nám og velferð nemenda
• Að veita ráðgjöf varðandi nám, námstækni og námsvenjur
• Að vera trúnaðarmaður og talsmaður nemenda
• Að veita ráðgjöf og fræðslu um náms- og starfsval
• Að taka þátt í forvarnarverkefnum skólans
• Heldur utan um og stýrir samskiptateymi skólans

Menntunar- og hæfniskröfur:

• Starfsréttindi sem náms- og starfsráðgjafi (leyfisbréf fylgi umsókn)*
• Íslenskukunnátta á stigi C1 skv. evrópska tungumálarammanum
• Reynsla af námsráðgjöf og starfi með börnum er æskileg
• Hæfni í mannlegum samskiptum
• Frumkvæði og sjálfstæð vinnubrögð
• Jákvæðni, lausnamiðuð hugsun og skipulagshæfileikar
• Faglegur metnaðu

*Fáist ekki starfsmaður með tilhlýðilega menntun kemur til greina að ráða annan hæfann starfsmann.

Hlunnindi:

• Heilsuræktarstyrkur fyrir starfsmenn sem ráðnir eru í starfshlutfall að upphæð 20.000 kr. eftir 6 mánuði í starfi
• Bókasafnskort fyrir starfsmenn sem ráðnir eru í starfshlutfall eftir 3 mánuði í starfi
• Menningarkort fyrir starfsmenn sem ráðnir eru í starfshlutfall eftir 3 mánuði í starfi
• Sundlaugarkort fyrir starfsmenn sem ráðnir eru í starfshlutfall eftir 3 mánuði í starfi

Umsóknarfrestur er til og með 19. maí 2026.

Nánari upplýsingar um starfið veitir Sesselja Þóra Gunnarsdóttir skólastjóri, sesseljag@sjalandsskoli.is og Ósk Auðunsdóttir aðstoðarskólastjóri, oska@sjalandsskoli.is.

Samkvæmt lögum verða umsækjendur sem eru ráðnir að skrifa undir heimild til upplýsingaöflurnar úr sakaskrá.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélags.

Áhugasamir einstaklingar, án tillits til kyns, eru hvattir til að sækja um.