Job Description

Þroskaþjálfi – Hagaskóli

Laus er til umsóknar staða þroskaþjálfa við Hagaskóla fyrir skólaárið 2026-2027. Um er að ræða 100% stöðu.

Hagaskóli er safnskóli í Vesturbæ Reykjavíkur með tæplega 600 nemendur í 8. – 10. bekk. Í Hagaskóla er lögð áhersla á jákvæðan skólabrag, fjölbreytta kennsluhætti, leiðsagnarnám, skapandi verkefni og innleiðingu á Menntastefnu Reykjavíkurborgar. Skólinn hefur tekið þátt í fjölbreyttum þróunarverkefnum á liðnum árum.

Umsóknum skal fylgja yfirlit yfir nám og fyrri störf, ferilskrá, menntunargögn og annað er málið varðar.

Helstu verkefni og ábyrgð

• Aðlaga nám og námsumhverfi fyrir nemendur með þroskafrávik.
• Stuðla að velferð nemenda og veita þeim aðgang að fjölbreyttu námi þar sem unnið er út frá styrkleikum hvers og eins.
• Halda utan um mál einstaka nemenda og sitja í þverfaglegu teymi.
• Annast kennslu og þjálfun nemenda.
• Halda utan um gerð einstaklingsáætlana.
• Vinna að þróun skólastarfs með stjórnendum og öðru samstarfsfólki.

Menntunar- og hæfniskröfur

• Leyfi til að nota starfsheitið þroskaþjálfi.
• Farsæl reynsla af vinnu með einstaklingum með fjölþættan vanda.
• Góð samskiptafærni og sveigjanleiki í starfi.
• Faglegur metnaður, frumkvæði í starfi og áhugi á að starfa í skapandi og metnaðarfullu umhverfi.
• Reynsla og áhugi á að starfa með unglingum.
• Íslenskukunnátta á stigi C1 samkvæmt evrópska tungumálarammanum.

Frekari upplýsingar um starfið

Laun eru samkvæmt samningi Reykjavíkurborgar og viðkomandi stéttarfélags.

Nánari upplýsingar um starfið veitir Guðrún Inga Tómasdóttir, deildarstjóri mannauðs og rekstrar í Hagaskóla, netfang: gudrun.inga.tomasdottir@reykjavik.is