Job Description

Rydym yn cefnogi heddwch a ffyniant drwy feithrin cysylltiadau, dealltwriaeth ac ymddiriedaeth rhwng pobl yn y DU a gwledydd ledled y byd. Ers 90 mlynedd rydym wedi bod yn helpu i siapio dyfodol mwy disglair drwy addysg, y celfyddydau, diwylliant, iaith, a chreadigrwydd.

Rydym yn gweithio gyda phobl mewn dros 200 o wledydd a thiriogaethau, ac ar lawr gwlad mewn dros 100 o wledydd.

Yn cysylltu. Yn ysbrydoli.

Teitl y Rôl:

Rheolwr Marchnata ar gyfer rhaglen Erasmus+ - Brand, Creadigol a Chynnwys 48552

Mae Adran Addysg Llywodraeth y DU wedi cyhoeddi mai’r British Council fydd yn gweithredu fel yr Asiantaeth Genedlaethol ar gyfer rhaglen Erasmus+.

Ym mis Rhagfyr, daeth y Deyrnas Unedig a’r Undeb Ewropeaidd i gytundeb gwleidyddol y byddai’r DU yn ail ymuno â chynllun Erasmus+ yn 2027. Mae'r cytundeb hwnnw bellach wedi'i ffurfioli’n gyfreithiol dan Gytundeb Masnach a Chydweithrediad yr UE a’r DU.

Mae gan y British Council ymrwymiad ers tro byd i gefnogi cyfnewid rhyngwladol. Bu’n un o bartneriaid arweiniol Asiantaeth Genedlaethol Erasmus+ yn y DU rhwng 2014 a 2020. Yn ystod y cyfnod hwnnw, gwnaeth Erasmus+ gyfraniad arwyddocaol i gysylltiadau diwylliannol y DU, gan ariannu 8,091 o brosiectau, gyda 583,757 o drigolion y DU yn cymryd rhan, a chan ddyfarnu tua €1.1 biliwn i sefydliadau yn y DU.

Band Cyflog: Gradd 7

Cyflog: £30,839 gros y flwyddyn + £3,300 y flwyddyn - Lwfans Ardal Llundain (i weithwyr yn ardal Llundain yn unig)

Hyd y cytundeb: Cytundeb Cyfnod Penodol o 2 Flynedd, gyda phosibilrwydd o estyniad

Lleoliad: Caerdydd, Llundain, Belfast a Chaeredin

Gofynion Hawl i Weithio: Hawl gyfredol i weithio yn y DU. Nid yw’r British Council yn gallu cefnogi ceisiadau am fisas gwaith.

Dyddiad Cau i geisiadau: 24 Awst am 22:59 (amser y DU)

Rydym yn gweithredu ar y sail bod unrhyw gynnig swydd yn amodol ar gadarnhad gan y cleient fod cyllid ar gael ganddynt.

Pwrpas y Rôl:

Bydd deiliad y rôl yma’n arwain y gwaith o ddatblygu brand, negeseuo, cynnwys a chreadigrwydd rhaglen Erasmus+, gan sicrhau cyfathrebu o ansawdd uchel sy'n canolbwyntio ar y gynulleidfa ar draws gwahanol sianeli.

Byddwch yn gyfrifol am y strategaeth gynnwys ar draws gwahanol sianeli, cyfathrebu organig, a dulliau o adrodd a rhannu straeon sy'n ysgogi ymwybyddiaeth, ymgysylltiad, eiriolaeth, a chyfranogiad.

Prif Gyfrifoldebau:

• Arwain y gwaith o ddatblygu a chyflawni ymgyrchoedd creadigol ac asedau marchnata, gan sicrhau eu bod yn cyd-fynd ag amcanion rhaglen Erasmus+ ac yn ymgysylltu’n effeithiol â chynulleidfaoedd.

• Rheoli a datblygu hunaniaeth, arddull weladwy, a dull negeseuo’r brand i sicrhau cysondeb ar draws pob math o sianeli a dulliau cyfathrebu.

• Creu a chomisiynu cynnwys perthnasol o ansawdd uchel gan gynnwys astudiaethau achos, tystebau, cylchlythyron, cynnwys ar gyfer cyfryngau cymdeithasol, fideos, a deunyddiau ar gyfer ymgyrchoedd.

• Goruchwylio'r calendr cynnwys/golygyddol ar gyfer rhaglen Erasmus+, gan sicrhau llinell gyson o gynnwys perthnasol, effeithiol a thrawiadol.
• Arwain sianeli cyfryngau cymdeithasol Erasmus+, i sbarduno twf ein cynulleidfa, ymgysylltiad, eiriolaeth, ac ymwybyddiaeth o’r brand.
• Sicrhau cydymffurfiaeth â gofynion brand a chyfathrebu’r British Council, Llywodraeth y DU, a’r Comisiwn Ewropeaidd.
• Cynnig cyngor arbenigol a chefnogaeth i gydweithwyr ar frandio, fframweithiau negeseuo, datblygu cynnwys ac arferion gorau creadigol.
• Rheoli cysylltiadau â rhanddeiliaid mewnol, asiantaethau, cyflenwyr a phartneriaid i gyflawni gweithgareddau marchnata a chyfathrebu o ansawdd uchel.
• Monitro, mesuro, a gwerthuso perfformiad marchnata, gan ddefnyddio mewnwelediadau a data i sicrhau’r canlyniadau gorau posibl i ymgyrchoedd, dangos yr effaith a gafwyd, a’r enillion ar fuddsoddiad (ROI).
• Nodi cyfleoedd i arloesi a sicrhau gwelliant parhaus drwy gadw llygaid ar dueddiadau’r diwydiant, mewnwelediaidau’r gynulleidfa, a fformatau cynnwys newydd.

Gwybodaeth a Phrofiad Penodol i’r Rôl:

Hanfodol

• Profiad o reoli gwefannau, platfformau digidol, systemau rheoli cynnwys (CMS) ac adnoddau ac offerynnau digidol.
• Profiad o sicrhau’r teithiau defnyddwyr a llwybrau trosi diddordeb yn weithredu ( conversion) gorau posibl.
• Profiad o ddefnyddio mewnwelediadau dadansoddeg i nodi cyfleoedd a llywio gwelliannau digidol.
• Profiad o weithio ar y cyd â thimoedd creu cynnwys ac ymgyrchoedd.
• Profiad o gynllunio a chyflawni strategaethau a chynllunio marchnata i gefnogi rhaglenni a darpariaethau.
• Profiad o ddefnyddio offerynau dadansoddeg ac adrodd i fonitro perfformiad a chyflwyno mewnwelediadau y gellir gweithredu arnynt.

Dymunol

• Profiad yn y sectorau diwylliant, ieuenctid, chwaraeon, hyfforddiant, addysg neu elusennol.
• Profiad o weithio mewn sefydliad rhyngwladol neu fyd-eang.
• Profiad o gomisiynu a rheoli’r gwaith o ddatblygu cynnwys.
• Profiad o gynllunio ymgyrchoedd marchnata digidol aml-sianel a’u rhoi ar waith, gan gynnwys gweithgareddau cyfryngol taledig.
• Profiad o ddadansoddi data, adrodd, a datblygu byrddau gwaith ( dashboards).
• Profiad o gefnogi’r gwaith o gyflawni digwyddiadau a chynnal gweminarau.

Gofynion Penodol

• Gradd mewn marchnata, cyfathrebu neu bwnc perthnasol, neu lefel gyfatebol o brofiad y gellir ei dangos

Mae’r British Council yn cefnogi dulliau newydd o weithio (fel gweithio hybrid), yn amodol ar gymeradwyaeth lawn gan y rheolwyr llinell ac ar ein gallu i ddarparu lefel briodol o wasanaeth. Efallai na fydd hyn yn briodol ar gyfer pob rôl, ond gellir trafod y posibiliadau mewn cyfweliad

Teyrnas Unedig gysylltiedig a dibynadwy mewn byd sy'n fwy cysylltiedig a dibynadwy.

Datganiad Cydraddoldeb, Amrywiaeth a Chynhwysiant

Rydym wedi ymrwymo i gydraddoldeb, amrywiaeth a chynhwysiant ac yn croesawu ceisiadau o bob rhan o'r gymuned, gan ein bod yn credu fod gweithlu amrywiol yn rhoi mwy o ddyfnder i'n gwaith. Mae'r Cyngor Prydeinig yn Gyflogwr Hyderus o ran Anabledd. Mae'r cynllun Hyderus o ran Anabledd yn helpu i herio agweddau, cynyddu dealltwriaeth o anabledd, a sicrhau bod staff yn cael eu dewis o'r gronfa dalent ehangaf bosibl. Rydym yn gwarantu cyfweliad i ymgeiswyr anabl sy'n bodloni gofynion sylfaenol y rôl. Rydym yn hapus i drafod unrhyw ofynion neu addasiadau penodol sydd eu hangen i'ch galluogi i gymryd rhan yn ein gwaith a’n gweithgareddau.

Datganiad Diogelu

Mae’r British Council wedi ymrwymo i ddiogelu plant, pobl ifanc ac oedolion rydym yn gweithio gyda nhw. Rydym yn credu fod pob plentyn ac oedolyn ym mhob rhan o'r byd yn haeddu byw mewn amgylchedd diogel, a bod hawl ganddynt i gael eu hamddiffyn rhag unrhyw fath o niwed, camdriniaeth neu gamfanteisio, fel y nodir yn Erthygl 19 o Gonfensiwn y Cenhedloedd Unedig ar Hawliau’r Plentyn (CCUHP) 1989. Bydd penodiadau i swyddi lle mae cysylltiad uniongyrchol â grwpiau agored i niwed yn amodol ar wiriadau trylwyr yn unol â gofynion cyfreithiol ac â pholisiau Diogelu Oedolion a Phlant y British Council.

Os cewch unrhyw anawsterau wrth gyflwyno'ch cais, anfonwch e-bost atom yma: askhr@britishcouncil.org