Job Description

Húsasmiðjan og Blómaval í Skútuvogi er eitt af flaggskipum fyrirtækisins og elsta og þekktasta verslun okkar á höfuðborgarsvæðinu. Verslunin hefur á að skipa öflugu og reynslumiklu starfsfólki og framundan eru spennandi tækifæri til að þróa og efla starfsemina enn frekar.

Rekstrarstjóri er í hópi lykilstjórnenda fyrirtækisins og ber ábyrgð á daglegum rekstri verslunarinnar með það að leiðarljósi að veita framúrskarandi þjónustu, tryggja góða upplifun viðskiptavina og efla sölu.

Helstu verkefni og ábyrgð:

• Ber ábyrgð á rekstri verslunarinnar.
• Tryggir framúrskarandi þjónustu til viðskiptavina og að ásýnd verslunarinnar sé ávallt fagleg og snyrtileg.
• Byggir upp sterka og jákvæða liðsheild og leiðir starfsfólk með góðu fordæmi.
• Skapar hvetjandi vinnuumhverfi þar sem gleði, kraftur og fagmennska eru í fyrirrúmi.
• Tekur virkan þátt í sölu og þjónustu við viðskiptavini.

Hæfniskröfur og þjálfun:

• Framúrskarandi leiðtogahæfileikar, jákvæðni og kraftur.
• Menntun sem nýtist í starfi og/eða góð reynsla og þekking af smásölurekstri og þjónustu.
• Framúrskarandi samskiptahæfilekar, rík þjónustulund og metnaður til að ná settum markmiðum með teyminu.
• Góð tölvukunnátta.
• Góð íslensku- og enskukunnátta.

Húsasmiðjan er eitt stærsta smásölufyrirtæki landsins og hefur lagt grunn að góðu samfélagi í 70 ár. Við veitum húseigendum og fagfólki í byggingariðnaði aðgang að réttu lausnunum og ráðgefandi þjónustu undir merkjum Húsasmiðjunnar, Blómaval og Ískraft á um 20 stöðum um land allt. Hjá okkur starfa 550 starfsmenn í ólíkum störfum.

Húsasmiðjan er hluti af dönsku byggingavörukeðjunni BYGMA sem rekur verslanir í Danmörku, Svíþjóð, Póllandi, Íslandi, Grænlandi og Færeyjum.

Við hvetjum öll áhugasöm til þess að sækja um, óháð kyni. Ef þig vantar frekari upplýsingar um starfið máttu senda tölvupóst á netfangið mannauðssvid@husa.is.