Job Description

Hydro Husnes søkjer etter nye operatørar i støyperiet. Vi har ledige både faste og midlertidige stillingar. Alle stillingane inngår i 5-skiftsordning, med arbeid formiddag, ettermiddag og natt.

Kva vi tilbyr deg

• Spanande arbeidsoppgåver
• Godt arbeidsmiljø med mykje latter og godt samarbeid
• Gode moglegheiter for utvikling

Kva du skal gjere

Arbeidsoppgåvene til ein operatør i støyperi er allsidige og varierte. Dette inneber daglege driftsoppgåver og prosessovervaking. Mange av oppgåvene blir utført med køyretøy eller kran. Du som operatør skal bidra til mest mogleg sikker og effektiv produksjon av aluminiumsprodukt. For å klare dette vil du sjølvsagt få god opplæring.

Kva skal til for å lukkast hos oss?

• Relevant fagbrev innan industrifag er ein fordel
• Du treng førarkort klasse B
• Truck- og kransertifikat er ynskjeleg, men du får kurs om du ikkje har dette
• Du kan trivast like godt i truck som med digitale arbeidsverktøy
• Du er merksam og nøyaktig i arbeidet ditt, samstundes at du har eit auge til korleis dine kollegaer har det i kvardagen
• Du tek ansvar for din eigen og andre sin tryggleik

Tilleggsinformasjon
Helse, miljø og tryggleik (HMS) er integrert i Hydro sitt daglege virke. Det er vårt ansvar å beskytta våre tilsette si helse og tryggleik, og bidra til ei berekraftig utvikling i dei miljøa der me opererer. Me søkjer difor tilsette som er oppteken av sikkerheit og vil bidra positivt til dette, gjennom sunne og bevisste HMS-haldningar og -handlingar.

Ver venleg og legg ved søknadsbrev og alle relevante vitnemål, karakterutskrift og sertifikat. Me aksepterer berre elektroniske søknadar.

Søknadsfrist: 11.januar

Viss du har spørsmål kan du kontakte:

Leiar:
Roger Andre Nundal
Mobil: (Norway +47) 95787324

Rekrutterer
Berit Åkre

(Norway +47) 92227339

Hydro Aluminium Metal er en ledende leverandør av pressbolter, valseblokker, støpelegeringer, tråd og høyrenhetsaluminium med et globalt produksjonsnettverk med rundt 5000 ansatte. Vi har anlegg for produksjon av primærmetall i Europa, Canada, Australia, Brasil og Qatar, og gjenvinningsanlegg i Europa og USA. To tredjedeler av vår produksjon av primæraluminium er basert på fornybar energi.

Hydro Husnes ligg omkransa av vakre fjell ved utløpet av Hardangerfjorden. Verket er Norges fjerde største aluminiumprodusent, målt etter årleg produksjonskapasitet på 200 000 tonn elektrolysemetall. I tillegg til produksjon av primæraluminium har verket et støyperi for produksjon av pressbolt og smibolt, og totalt cirka 340 tilsette.