Job Description

Advania leitar að reynslumiklum einstaklingi í sérfræðiteymi notenda- og útstöðvaþjónustu. Kjarni starfsins er uppsetning, rekstur, stýring og sjálfvirknivæðing Microsoft 365, Entra ID og Intune umhverfum.

Sérfræðiteymið er hópurinn á bakvið framlínuna. Teymið vinnur þétt með framlínunni ásamt öðrum sérfræðiteymum Advania.

Teymið ber tæknilega ábyrgð á þjónustukerfum og ferlum sem deildin rekur og betrumbætir. Teymið sinnir einnig innleiðingum og flóknari verkefnum. Mikil áhersla er lögð á stöðugt, öruggt og otendavænt rekstrarumhverfi en einnig að einfalda, sjálfvirknivæða og bæta þá þjónustu, kerfi og ferla sem notuð eru við þjónustuveitinguna.

Helstu verkefni

• Umbætur, stöðlun og sjálfvirknivæðing á þeirri þjónustu, kerfum og ferlum sem notuð eru við notenda- og útstöðvaþjónustu
• Innleiðing viðskiptavina í notenda- og útstöðvarþjónustu
• Rekstur, stýring uppfærslna og öryggi útstöðva
• Umsjón með útstöðvavernd og aðgangsvernd
• Hugbúnaðardreifing og uppfærsla forrita

Hæfniskröfur

• 3+ ára reynsla af kerfisstjórn, útstöðvaþjónustu eða rekstri Microsoft-umhverfa
• Sterk þekking á Windows Client, Microsoft 365, Entra ID og Intune – reynsla af uppsetningu og stýringu þessara kerfa, ekki einungis notkun
• Reynsla af rekstri útstöðva og innleiðingum tækja
• Góð þekking og reynsla á PowerShell æskileg
• Nám í kerfisstjórnun, tölvunarfræði eða önnur menntun og reynsla sem nýtist í starfi
• Vottun á sviði Microsoft-lausna er kostur, t.d. Endpoint Administrator, Identity and Access Administrator eða Modern Desktop
• Framúrskarandi þjónustulund
• Frumkvæði og áhugi á að einfalda, staðla og sjálfvirknivæða þjónustu, kerfi og ferla
• Áhugi á upplýsingatækni, notendaþjónustu og öryggismálum
• Góð enskukunnátta

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

1. Tekið á móti umsóknum til 28. september 2026
2. Yfirferð umsókna
3. Boðað í fyrstu viðtöl
4. Boðað í seinni viðtöl
5. Verkefni eða próf lögð fyrir ef við á
6. Öflun umsagna / meðmæla
7. Ákvörðun um ráðningu
8. Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Skúli Axelsson, deildarstjóri Notenda- og útstöðvarþjónustu, skuli.axelsson@advania.is / 4409000.