Job Description

Við leitum að sjálfstæðum og metnaðarfullum lyfjafræðingi í Lyfju á Ísafirði.

Eitt af því sem gerir starf lyfjafræðings hjá Lyfju á Ísafirði sérstaklega skemmtilegt er hin mikla fjölbreytni. Hér veitum við lyfjafræðilega ráðgjöf, þjónustum einstaklinga og útibú, förum yfir fjölda skipskistna og þjónustum og sinnum einstaklingum í lyfjaskömmtun.

Hlutverk og ábyrgð

• Fagleg ráðgjöf um lyf og notkun þeirra – þú sinnir mikilvægu hlutverki í heilbrigðisþjónustu og ert oft fyrsta stopp þeirra sem leita sér stuðnings
• Afgreiðsla lyfseðla eftir skýrum verkferlum í góðu samstarfi við teymið
• Stuðningur við öflugt teymi í apótekum og útibúum
• Umsjón með pöntunum, lyfjabirgðum og þjónustu við viðskiptavini

Hvaða hæfni þarft þú að hafa?

• Háskólapróf í lyfjafræði og gilt starfsleyfi
• Þjónustulund, að njóta þess að eiga góð samskipti og veita faglega ráðgjöf
• Áreiðanleika, skipulag og drifkraft í fjölbreytt og faglegt teymisstarf
• Áhuga á heilbrigði og vellíðan

Starfið

Vinnutími er frá 10:00–18:00 alla virka daga og annan hvern laugardag eða skv. samkomulagi.

Starfið er laust nú þegar og æskilegt að viðkomandi geti hafið störf sem fyrst.

Nánari upplýsingar veita:

Jónas Þór Birgisson, lyfsali Lyfju Ísafirði í síma 456-3009 og á jonas@lyfja.is og

Anna Sólmundsdóttir, sérfræðingur í ráðgjöf og lyfjafræðilegri þjónustu anna@lyfja.is

Hvers vegna Lyfja?

Lyfja er leiðandi fyrirtæki í íslenskri heilbrigðisþjónustu með það að markmiði að lengja líf og bæta lífsgæði landsmanna. Við leggjum áherslu á faglega og hlýlega þjónustu, heilsueflingu og stöðuga nýsköpun.

Við leggjum okkur fram um að skapa vinnuumhverfi þar sem starfsfólk upplifir jákvæðan starfsanda, fær tækifæri til að þróast í starfi og nýtir hæfileika sína til fulls. Við bjóðum upp á öfluga fræðslu, markvissa starfsþróun og leggjum mikla áherslu á gott jafnvægi milli vinnu og einkalífs.

Lyfja rekur 45 apótek og útibú víðs vegar um landið, sem gefur starfsfólki kost á fjölbreyttum og spennandi tækifærum, hvar sem er á landinu.

Farið verður með allar umsóknir og fyrirspurnir sem trúnaðarmál.