Job Description

Við Lundarskóla er laus til umsóknar 100% staða skólaritara. Vinnutími hefst klukkan 7:45 alla virka daga. Um er að ræða ótímabundna stöðu. Ráðið er í stöðuna frá 1. ágúst 2026.

Leitað er að einstaklingi með metnað, sem sýnt hefur árangur í störfum sínum og leggur áherslu á vellíðan nemenda í samstarfi við aðra starfsmenn og stjórnendur skólans.

Lundarskóli er staðsettur við Dalsbraut og er fjöldi nemenda um 480 og 95 starfsmenn. Í skólanum er unnið með SMT skólafærni og heilsueflandi skóla. Lundarskóli leggur áherslu á teymisvinnu og framþróun í skólastarfi.

Einkunnarorð skólans eru ábyrgð, virðing, vellíðan

Viltu vita meira? Kíktu í rafræna heimsókn www.lundarskoli.is

Starfssvið:

• Annast símavörslu og aðra umsjón á skiptiborði.
• Tekur við fjarvistartilkynningum, skráir fjarvistir og hringir heim til nemenda í samráði við kennara.
• Hefur eftirlit með tækjum og gögnum á skrifstofu og vinnuherbergi starfsfólks.
• Sér um pantanir og móttöku á ritföngum og tilfallandi námsgögnum fyrir nemendur og starfsfólk.
• Annast innritun nemenda í skólann og heldur utan um nemendaskrá.
• Hefur umsjón með matartorgi og hefur yfirlit yfir skráningar í fæði og aðrar áskriftir.
• Hefur yfirsýn yfir leiguskráningar á skólahúsnæði og heldur utan um innheimtu vegna útleigu í samvinnu við húsvörð og skólastjóra.
• Sinnir upplýsingaflæði til foreldra í samráði við stjórnendur, s.s. með fjölpósti og/eða með fréttum á heimasíðu í samvinnu við stjórnendur skólans.
• Sér um forfallaskráningu starfsfólks og aðstoðar við mönnun varðandi afleysingar í samráði við skólastjórnendur.
• Hefur umsjón með tölvupóstnetfangi skólans, svarar erindum og/eða kemur þeim í réttan farveg.
• Sér um öll neyðarlyf fyrir nemendur sem geymd eru í skólanum í samvinnu við skólahjúkrunarfræðing.
• Situr í öryggis- og áfallateymi skólans.
• Starfsmaður annast önnur þau verkefni sem skólastjóri felur honum og falla undir starfssvið hans.

Menntunar- og hæfniskröfur:

• Gerð er krafa um stúdentspróf eða sambærilegt nám sem nýtist í starfi.
• Mjög gott vald á íslensku, bæði í töluðu og rituðu máli er skilyrði.
• Mjög góð tölvukunnátta.
• Mjög góð hæfni í mannlegum samskiptum við börn og fullorðna.
• Mjög góð þjónustulund.
• Sjálfstæð vinnubrögð og frumkvæði.
• Sveigjanleiki og víðsýni í starfi.
• Góðir skipulagshæfileikar.
• Reglusemi og samviskusemi.
• Gott vald á ensku.
• Starfsmaður þarf að vera jákvæður, traustur og samkvæmur sjálfum sér.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja greinargóð skýrsla/ferilskrá um fyrri störf umsækjenda og menntun, reynslu og þau verkefni sem þeir hafa unnið að og varpað geta ljósi á færni þeirra til að sinna starfi skólaritara.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kjalar.

Upplýsingar um kaup og kjör veitir launadeild Akureyrarbæjar: launadeild@akureyri.is

Allar nánari upplýsingar veitir Maríanna Ragnarsdóttir skólastjóri í netfangi marianna@akmennt.is eða í síma 892-9819 eða 462-4888.

Einungis er tekið á móti rafrænum umsóknum.

Umsóknarfrestur er til og með 5. júní 2026.