Job Description

Vilt þú ‏efla hæfni starfsfólks í málm- og véltæknigreinum og vera hluti af leiðandi fræðslusamfélagi í íslenskum iðnaði?

Iðan fræðslusetur leitar að öflugum og framsæknum leiðtoga til að leiða fræðslu og þjónustu Iðunnar í málm- og véltæknigreinum. Leiðtogi hefur frumkvæði að eflingu og þróun fræðslu fyrir málm- og véltæknigreinar í samræmi við þarfir iðnaðarins. Hann annast þarfagreiningu og skipulagningu á fræðslu og ber ábyrgð á birtingu námskeiðslýsinga á vef.

Leiðtogi málm- og véltæknigreina vinnur náið með deildarstjóra deildarinnar Þróun þekkingar ásamt því að starfa með leiðtogum annarra iðngreina og öðru starfsfólki Iðunnar. Hann á einnig í samstarfi við leiðbeinendur og ýmsa hag- og samstarfsaðila.

Helstu verkefni og ábyrgð

• Þarfagreining og skipulagning á fræðslustarfi fyrir málm- og véltæknigreinar
• Þróa leiðir til fyrirtækjafræðslu fyrir málm- og véltæknigreinar
• Samstarf við lykilfólk í málm- og véltæknigreinum og uppbygging tengslanets
• Fyrirtækjaheimsóknir og eftirfylgni verkefna
• Samskipti við leiðbeinendur og aðra samstarfsaðila
• Þátttaka í viðburðum

Menntunar- og hæfniskröfur

• Menntun og starfsreynsla sem nýtist í starfi
• Góð þekking á málm- og véltæknigreinum og starfsumhverfi þeirra
• Brennandi áhugi á fræðslu og þróun málm- og véltæknigreina
• Frumkvæði, leiðtogahæfni, framsækni og metnaður til að þróa og efla fræðslustarf
• Þjónustulund og framúrskarandi færni í mannlegum samskiptum
• Góð skipulagshæfni og sjálfstæð vinnubrögð
• Góð færni í íslensku og ensku, bæði í ræðu og riti
• Menntun í kennslufræði og/eða reynsla af kennslu er kostur

Iðan er leiðandi fræðslusetur og þjónustar bílgreinar, bygginga- og mannvirkjagreinar, málm- og véltæknigreinar, matvæla- og veitingagreinar og prent- og miðlunargreinar um land allt. Fræðsluframboðið er fjölbreytt og í stöðugri þróun, en tilgangur Iðunnar er að efla hæfni starfsfólks í iðngreinum með því að vera leiðandi í sí- og endurmenntun í íslenskum iðnaði. Hjá Iðunni starfar öflugur hópur fagfólks sem vinnur saman að því að efla hæfni, gæði og framþróun í íslenskum iðnaði.

Við bjóðum uppá fjölbreytt verkefni, gott starfsumhverfi og tækifæri til að læra, þróast og hafa áhrif á hvernig fræðslu og þekkingu er miðlað.

Nánari uppl‎‎ýsingar

Þórdís Sif Arnarsdóttir - thordis@hagvangur.is