Job Description

Leikskólinn Tröllaborgir óskar eftir að ráða aðstoðarmatráð til starfa. Um er að ræða 87,5% ótímabundið starf með vinnutímann frá kl. 8:30 til 15:30. Æskileg starfsbyrjun væri í byrjun ágúst 2026 eða eftir samkomulagi.

Lífsleikni í leikskóla eru áherslur Tröllaborga og byggir sú hugmyndafræði á kenningum ýmissa fræðimanna sem snúa að mannrækt og siðferðilegu gildismati í samfélagi manna og þeirri trú að efla og styrkja hið góða í hverjum einstaklingi bæði börnum og fullorðnum. Lögð er áhersla á að túlka lífsleiknina sem hugsjón sem þurfi að flæða yfir allt starf frekar en sem námsgrein innan skólans. Einnig er lögð áhersla á læsi og jóga.

Einkunnarorð skólans eru „ Hugur- hjarta - hönd“.

Skólinn hefur tvær starfsstöðvar; að Tröllagili 29 og í Árholti Háhlíð 1.

Viltu vita meira? Kíktu í rafræna heimsókn https://trollaborgir.is

Helstu verkefni:

• Aðstoðar matráð við gerð og framreiðslu matar fyrir nemendur og starfsfólk skv. skilgreindu dagsskipulagi.
• Annast frágang og dagleg þrif í eldhúsi samkvæmt þrifaáætlun.
• Sér um uppvask.
• Sér um þvotta innan leikskólans.
• Gengur frá borðbúnaði eftir máltíðir.
• Aðstoðar í þeim verkefnum sem til falla í eldhúsi, s.s. að færa upp matinn, sjá um meðlæti, setja á vagna, tekur fullan þátt í matseld eftir þörfum o.þ.h.
• Sinnir öðrum þeim verkefnum sem yfirmaður felur honum og falla undir starfssvið hans.

Hæfniskröfur:

• Þekking á gerð og framreiðslu matar.
• Almenn tölvuþekking er nauðsynleg.
• Skipulag, framtakssemi og dugnaður.
• Stundvísi, reglusemi og færni í samskiptum.
• Kunnátta í skyndihjálp.
• Snyrtimennska.
• Góð íslensku- og/eða enskukunnátta er skilyrði.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja greinargóð skýrsla um störf umsækjanda (ferilskrá) og þau verkefni sem hann hefur unnið að og varpað geta ljósi á hæfni hans í starfið.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Einingar-Iðju.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Anna Egilsdóttir skólastjóri í síma 469-4707, netfang: annaegils@akmennt.is

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í þjónustuveri Akureyrarbæjar, Geislagötu 9.

Umsóknarfrestur er til og með 1. júlí 2026.