Job Description

Leikskólinn Tröllaborg á Hofsósi óskar eftir að ráða leikskólakennara vegna afleysinga í tímabundna stöðu, tímabilið 6. ágúst 2026 - 30. júní 2027, með möguleika á áframhaldandi ráðningu. Ef ekki berast umsóknir frá einstaklingum sem uppfylla menntunarkröfur verður skoðað að ráða leiðbeinanda.

Leikskólinn Tröllaborg er tveggja deilda leikskóli sem rekinn er í tveimur byggðakjörnum, Hofsósi og Hólum. Í leikskólanum eru 30 börn á aldrinum 1-5 ára. Leikskólinn Tröllaborg er SMT leikskóli og heilsueflandi leikskóli. Við sem í leikskólanum starfa vinnum eftir framtíðarsýn Skólastefnu sveitarfélagsins Skagafjarðar og aðalnámskrá leikskóla. Aðaláhersla er á leikinn, læsi, skapandi starf og félagslega færni, með það að markmiði að hver einstaklingur fái notið sín sem best. Kjörorð leikskólans er: Leikum saman og lærum.

Helstu verkefni eru:

• Vinna að uppeldi og menntun barna.
• Fylgjast vel með velferð þeirra og hlúa að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.
• Taka þátt í gerð skólanámskrár, mati á starfsemi leikskólans og þróunarverkefnum undir stjórn leikskólastjóra.
• Taka þátt í gerð skipulagningu faglegs starfs deildarinnar undir stjórn deildarstjóra.
• Vinna í nánu samstarfi við foreldra/forráðamenn barnanna.
• Sitja fundi sem haldnir eru á vegum leikskólans.

Menntunar- hæfniskröfur:

• Leikskólakennaranám og leyfisbréf til kennslu.
• Reynsla af starfi í leikskóla er kostur.
• Óskað er eftir jákvæðum, sjálfstæðum, ábyrgum og sveigjanlegum einstaklingum.
• Afar mikilvægt er að viðkomandi eigi auðvelt með mannleg samskipti, geti lesið í umhverfi sitt, sýni frumkvæði í starfi og sé tilbúinn til að takast á við skemmtilegt starf með börnum.
• Viðkomandi þarf að vera tilbúinn til að leita og nýta tækifærin sem gefast við mótun skólans með skólaþróun að leiðarljósi.
• Umsækjandi þarf að geta átt samskipti á íslensku við nemendur, samstarfsfólk og foreldra.
• Almenn tölvukunnátta er nauðsynleg.
• Mikilvægt er að umsækjendur kynni sér áherslur skólans og séu tilbúnir að vinna eftir þeim.
• Hreint sakavottorð skv. lögum um leikskóla.

Leikskólakennarar starfa samkvæmt lögum og reglugerð um leikskóla, öðrum lögum er við eiga, aðalnámskrá leikskóla, skólastefnu sveitarfélagsins sem og öðrum stefnum sveitarfélagsins sem í gildi eru á hverjum tíma og við eiga.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Nánari upplýsingar um starfið veitir: Jóhanna Sveinbjörg Traustadóttir, leikskólastjóri, í síma 453 5760/696 3869 eða trollaborg@skagafjordur.is.

Einungis er tekið við rafrænum umsóknum á heimasíðu sveitarfélagsins www.skagafjordur.is (laus störf). Prófskírteini, leyfisbréf og greinargóð ferilskrá skal fylgja umsókn.

Áhugasamir einstaklingar, óháð kyni, eru hvattir til að sækja um.

Öllum umsóknum verður svarað að lokinni ráðningu.