Job Description

Leikskólinn Ársalir óskar eftir að ráða starfsfólk í hlutastörf með vinnutíma eftir hádegi. Æskilegt er að viðkomandi geti hafið störf sem allra fyrst.

Leikskólinn Ársalir er 11 deilda leikskóli með starfsstöðvar á tveimur stöðum á Sauðárkróki. Í leikskólanum eru tæplega 200 börn og þar starfa um 65 manns, sem eiga það sameiginlegt að hafa gaman af vinnu með börnum. Einkunnarrorð leikskólans eru: Vinátta - Virðing - Vellíðan. Nánari upplýsingar um leikskólann er að finna á heimasíðunni www.arsalir.leikskolinn.is

Helstu verkefni eru:

• Vinna að uppeldi og menntun barna.
• Fylgjast vel með velferð þeirra og hlúa að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.
• Þátttaka í gerð skólanámskrár, mati á starfsemi leikskólans og þróunarverkefnum undir stjórn leikskólastjóra.
• Vinna í nánu samstarfi við foreldra/forráðamenn barnanna.
• Sitja fundi sem haldnir eru á vegum leikskólans.

Hæfniskröfur:

• Óskað er eftir jákvæðum, sjálfstæðum og ábyrgum einstaklingum.
• Að eiga auðvelt með mannleg samskipti og vera tilbúin/n að takast á við skemmtilegt og krefjandi starf með börnum.
• Sveigjanleiki í starfi og vera tilbúin/n að ganga í ýmis störf.
• Reynsla af starfi með börnum er kostur.
• Gott vald á íslensku, bæði í rituðu og töluðu máli er nauðsynleg.
• Hreint sakavottorð skv. lögum um leikskóla.

Starfsmaður leikskóla starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla, skólastefnu sveitarfélagsins sem og öðrum stefnum sveitarfélagsins sem í gildi eru á hverjum tíma og við eiga.

Fríðindi í starfi: Undirbúningstími fyrir leikskólaliða og ófaglærða sem starfað hafa í þrjú ár eða lengur. Styttri vinnuvika. Frítt fæði. Heilsueflingarstyrkur eftir sex mánuði í starfi. Stuðningur við starfsmenn sem stunda nám í leikskólakennarafræðum.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Nánari upplýsingar um störfin veitir: Sólveig Arna Ingólfsdóttir, leikskólastjóri, í síma 455 6090 eða solveigarna@skagafjordur.is og Berglind Guðmundsdóttir, aðstoðarleikskólastjóri, berglindg@skagafjordur.is.

Einungis er tekið við rafrænum umsóknum á heimasíðu sveitarfélagsins www.skagafjordur.is (laus störf). Prófskírteini, leyfisbréf og greinargóð ferilskrá skal fylgja umsókn.

Áhugasamir einstaklingar, óháð kyni, eru hvattir til að sækja um. Öllum umsóknum verður svarað að lokinni ráðningu.