Job Description

Leikskólinn Klappir óskar eftir að ráða leikskólakennara eða starfsmann með aðra háskólamenntun (B.Ed, Bs eða B.A) sem nýtist í starfi í 100% ótímabundna stöðu. Viðkomandi þarf að geta hafið störf 4. ágúst eða eftir samkomulagi.

Í Klöppum er lögð áhersla á nám í gegnum leik og sérstök áhersla er á læsi og stærðfræði í daglegu starfi. Leitast er við að virkja sjálfsprottinn áhuga nemenda í gegnum fjölbreyttan efnivið. Nemendur eru hvattir til sjálfshjálpar og sjálfstæðis með það að markmiði að efla sjálfsmynd þeirra og sjálfstraust.

Sérstakar áherslur skólans eru: Heilsueflandi skóli, SMT, Barnasáttmálinn og umhverfismennt

Sýn okkar er: faglegur skóli, starfsánægja og fagleg forysta með gleði, traust og virðingu að leiðarljósi.

Viltu vita meira? Kíktu í rafræna heimsókn Klappir - Akureyri

Næsti yfirmaður er deildarstjóri.

Helstu verkefni:

• Vinnur að uppeldi og menntun barnanna. Fylgist vel með velferð þeirra og hlúir að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.
• Þátttaka í gerð skólanámskrár, mati á starfsemi skólans og þróunarverkefnum undir stjórn deildarstjóra og skólastjóra.
• Tekur þátt í skipulagningu faglegs starfs deildarinnar undir stjórn deildarstjóra.
• Vinnur í nánu samstarfi við foreldra/forráðamenn barnanna. Situr fundi sem haldnir eru á vegum leikskólans.
• Tekur þátt í samstarfi við ýmsar stofnanir og sérfræðinga sem tengjast skólanum í samráði við deildarstjóra. Situr kennarafundi og aðra fundi er yfirmaður segir til um og varðar starfsemi skólans.
• Sinnir þeim verkefnum er varðar uppeldi og menntun barnanna sem yfirmaður felur honum.

Menntunar og hæfniskröfur:

• Umsækjandi þarf að hafa lokið leikskólakennaranámi, öðru kennaranámi sem veitir leyfisbréf til kennslu eða annarri háskólamenntun (BS, BA, B.Ed.) sem nýtist í starfi skólans.
• Reynsla af starfi í leikskóla er kostur.
• Reynsla af því að nota SMT í skólastarfi er kostur.
• Mikilvægt er að viðkomandi eigi auðvelt með mannleg samskipti, geti lesið í umhverfi sitt, sýni frumkvæði, sjálfstæði, ábyrgð og sveigjanleika í starfi.
• Góð almenn tölvukunnátta er nauðsynleg.
• Gott vald á íslensku, bæði í töluðu og rituðu máli er skilyrði.
• Óskað er eftir sjálfstæðum, ábyrgum og sveigjanlegum einstaklingi sem býr yfir metnaði við mótun skólastarfsins
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Leikskólakennari starfar samkvæmt lögum og reglugerð um leikskóla, öðrum lögum er við eiga, Aðalnámskrá leikskóla, kjarasamningum, mannauðs- og menntastefnu Akureyrarbæjar.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kennarasambands Íslands vegna Félags leikskólakennara eða viðkomandi stéttarfélags.

Upplýsingar um kaup og kjör veitir launadeild Akureyrarbæjar í netfanginu: launadeild@akureyri.is

Nánari upplýsingar um starfið veitir Hafdís Ólafsdóttir, skólastjóri í síma 414-3161, netfang: hafdiso@akmennt.is

Einungis er tekið á móti rafrænum umsóknum.

Umsóknarfrestur er til og með 10. júní 2026.