Job Description

Viltu vera hluti af skemmtilegum hópi starfsfólks í Leikskólanum Birkilundi?

Leikskólinn Birkilundur í Varmahlíð óskar eftir að ráða í nokkrar stöður leikskólakennara m.a. vegna stækkunar og flutninga leikskólans í nýtt húsnæði. Æskilegt er að viðkomandi geti hafið störf sem fyrst eða eftir samkomulagi. Ef ekki fæst leikskólakennari í starfið kemur til greina að ráða einstakling með aðra menntun/reynslu sem nýtist í starfið.

Í Birkilundi er lögð áhersla á málörvun og félagsfærni. Birkilundur er í samstarfsverkefni með Varmahlíðarskóla þar sem áhersla er lögð á félagsleg samskipti. Í leikskólanum Birkilundi eru fjórar deildir fyrir börn á aldrinum 1-6 ára.

Helstu verkefni eru:

• Vinna að uppeldi og menntun barna.
• Fylgjast vel með velferð þeirra og hlúa að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.
• Taka þátt í gerð skólanámskrár, mati á starfsemi leikskólans og þróunarverkefnum undir stjórn leikskólastjóra.
• Taka þátt í skipulagningu faglegs starfs deildarinnar undir stjórn deildarstjóra.
• Vinna í nánu samstarfi við foreldra/forráðamenn barnanna.
• Sitja fundi sem haldnir eru á vegum leikskólans.
• Sinnir þeim verkefnum er varðar uppeldi og menntun barnanna sem yfirmaður felur honum.

Menntunar- og hæfniskröfur:

• Leikskólakennaranám og leyfisbréf til kennslu.
• Reynsla af starfi í leikskóla er kostur.
• Óskað er eftir jákvæðum, sjálfstæðum, ábyrgum og sveigjanlegum einstaklingum.
• Afar mikilvægt er að viðkomandi eigi auðvelt með mannleg samskipti, geti lesið í umhverfi sitt, sýni frumkvæði í starfi og sé tilbúinn til að takast á við skemmtilegt starf með börnum.
• Viðkomandi þarf að vera tilbúinn til að leita og nýta tækifærin sem gefast við mótun skólans með skólaþróun að leiðarljósi.
• Umsækjandi þarf að hafa gott vald á íslensku, bæði í töluðu og rituðu máli og geta átt samskipti á íslensku við nemendur, samstarfsfólk og foreldra.
• Almenn tölvukunnátta er nauðsynleg.
• Mikilvægt er að umsækjendur kynni sér áherslur skólans og séu tilbúnir að vinna eftir þeim.
• Hreint sakavottorð skv. lögum um leikskóla.

Leikskólakennarar starfa samkvæmt lögum og reglugerð um leikskóla, öðrum lögum er við eiga, aðalnámskrá leikskóla, skólastefnu sveitarfélagsins sem og öðrum stefnum sveitarfélagsins sem í gildi eru á hverjum tíma og við eiga.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Nánari upplýsingar veitir Steinunn Arnljótsdóttir, leikskólastjóri; birkilundur@skagafjordur.is, 846 9014.

Einungis er tekið við rafrænum umsóknum á heimasíðu sveitarfélagsins: www.skagafjordur.is. Prófskírteini, leyfisbréf og greinargóð ferilskrá skal fylgja umsókn.

Áhugasamir einstaklingar, óháð kyni, eru hvattir til að sækja um.

Öllum umsóknum verður svarað þegar ákvörðun um ráðningu liggur fyrir.