Job Description

Skóla- og frístundasvið Reykjavíkurborgar auglýsir stöðu leikskólastjóra í Vesturborg lausa til umsóknar. Leitað er að einstaklingi sem býr yfir leiðtogahæfileikum og er tilbúinn til að leiða áfram gott og metnaðarfullt leikskólastarf.

Leikskólinn Vesturborg er þriggja deilda leikskóli með 48 börn í vistun og um það bil 16 starfsmenn. Stefnt er að því að leikskólinn flyti í nýtt viðbótarhúsnæði á næsta skólaári og við það verða starfsaðstæður til fyrirmyndar, bæði fyrir börn og starfsfólk.

Í stefnu leikskólans er lögð áhersla á velferð barna, umhyggju, jákvæð samskipti og skapandi starf í öruggu og hlýlegu námsumhverfi. Einkunnarorð hans eru vinátta og virðing.

Þrjú þemu einkenna starfið: tónlist, sköpun og málörvun. Með þessum áherslum er markvisst unnið að því að efla samvinnu og nýta styrkleika alls starfsfólks.

Innan leikskólans starfar öflugt sérkennsluteymi. Starfsmannahópurinn er samheldinn og lögð er áhersla á uppbyggileg samskipti og að vinna með styrkleika starfsmanna. Góður starfsandi ríkir og samvinna milli deilda er mikil.

Leikskólinn leggur áherslu á faglega þróun og að skapa umhverfi þar sem börn fá að njóta sín og þroskast á eigin forsendum.

Helstu verkefni og ábyrgð

• Vera faglegur leiðtogi leikskólans og móta framtíðarstefnu hans innan ramma laga, reglugerða,aðalnámskrár
• og stefnu Reykjavíkurborgar
• Stýra rekstri og daglegri starfsemi skólans, þar á meðal fjárreiðum, áætlanagerð og eftirfylgni
• Standa vörð um farsæld, velferð og nám barna skólans
• Hafa yfirumsjón með innra mati á starfi leikskólans og umbótaáætlunum
• Hvetja til þróunar og nýbreytni í leikskólastarfi
• Bera ábyrgð á starfsmannamálum, svo sem ráðningum, vinnutilhögun og starfsþróun
• Tryggja virkt og farsælt samstarf við foreldra, foreldrafélög, skólaþjónustu og aðra ytri hagaðila sem deila ábyrgð á velferð barna

Í öllu starfi skóla- og frístundasviðs er unnið að innleiðingu Menntastefnu Reykjavíkur, Látum draumana rætast, þar sem leiðarljósin eru virkni og þátttaka barna, aukið samstarf og fagmennska.

Hæfniskröfur

• Leyfisbréf
• Leikskólakennaramenntun er æskileg
• Framhaldsnám og reynsla af stjórnun í leikskóla æskileg
• Kennslureynsla á leikskólastigi
• Stjórnunar- og leiðtogahæfileikar
• Þekking á rekstri, áætlanagerð og fjármálastjórnun
• Lipurð og hæfni í samskiptum
• Faglegur metnaður, sjálfstæði og frumkvæði.
• Áhugi og/eða reynsla af að leiða þróunarstarf
• Íslenskukunnátta C1 samkvæmt evrópska tungumálarammanum
• Hreint sakavottorð í samræmi við lög sem og reglur Reykjavíkurborgar

Nánari upplýsingar

Umsókn fylgi yfirlit yfir nám og fyrri störf, afrit af leyfisbréfi til að nota starfsheitið kennari og kynningarbréf þar sem fram koma helstu ástæður þess að sótt er um starfið.

Á grundvelli samþykktar fyrir skóla- og frístundaráð ræður sviðsstjóri í starf leikskóla og um kjör fer samkvæmt kjarasamningi Kennarasambands Íslands vegna Félags stjórnenda í leikskólum.

Um er að ræða 100% stöðu sem er laus frá 1. ágúst.

Nánari upplýsingar um starfið veitir Gyða Guðmundsdóttir, fagstjóri leikskóla í Vesturmiðstöð, á netfanginu gyda.gudmundsdottir@reykjavik.is eða í síma 6939854.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.