Job Description

Velferðarsvið Garðabæjar leitar að sumarstarfsfólki á heimili fatlaðs fólks. Ráðið verður í 70-80% starfshlutfall. Starfið er vaktavinna þar sem unnið er að jafnaði aðra hverja helgi, ásamt morgun-, dag-, kvöld- og næturvöktum.

Starfað er í anda þeirra meginhugmynda er birtast í lögum um málefni fatlaðs fólks.

Helstu verkefni og ábyrgð

• Veita persónulega aðstoð og stuðning
• Veita félagslegan stuðning og hvatningu
• Veita aðstoð við almenn heimilisstörf
• Önnur störf sem starfsmanni eru falin af yfirmanni

Menntun, reynsla og hæfni:

• Menntun sem nýtist í starfi er kostur svo sem félagsliða eða stuðningsfulltrúanám. Góð almenn menntun
• Reynsla af sambærilegu starfi æskileg
• Frumkvæði, sjálfstæði og lipurð í vinnubrögðum
• Hæfni í mannlegum samskiptum
• Íslenskukunnátta á stigi B2 samkvæmt evrópska tungumálarammanum
• Bílpróf skilyrði
• Lágmarksaldur umsækjenda er 20 ára

Hlunnindi:

• Heilsuræktarstyrkur fyrir starfsmenn sem ráðnir eru í starfshlutfall að upphæð 20.000 kr. eftir 6 mánuði í starfi
• Bókasafnskort fyrir starfsmenn sem ráðnir eru í starfshlutfall eftir 3 mánuði í starfi
• Menningarkort fyrir starfsmenn sem ráðnir eru í starfshlutfall eftir 3 mánuði í starfi
• Sundlaugarkort fyrir starfsmenn sem ráðnir eru í starfshlutfall eftir 3 mánuði í starfi

Umsóknarfestur er til og með 26. júní 2026

Nánari upplýsingar veitir Ingibjörg Friðriksdóttir forstöðuþroskaþjálfi í síma 6171581 á skrifstofutíma eða með því að senda tölvupóst á ingibjorgf@gardabaer.is

Launakjör eru samkvæmt kjarasamningi Sambands íslenskra sveitarfélaga við Starfsmannafélag Garðabæjar.

Áhugasamir einstaklingar, án tillits til kyns, eru hvattir til að sækja um.