Job Description

Heilsuleikskólinn Holtakot auglýsir eftir leikskólakennara í 100% starfshlutfall.

Leikskólinn er fjögurra deilda leikskóli þar sem lögð er áhersla á hreyfingu, listsköpun og hollt matarræði. Skólinn er Grænfánaskóli og starfar eftir "Uppeldi til ábyrgðar".

Einkunnarorð skólans eru: Jákvæðni, virðing og öryggi. Áhersla er lögð á metnaðarfullt starf.

Stefna leikskólans í starfsmannahaldi er að í skólanum starfi uppeldismenntaðir starfsmenn af báðum kynjum. Heimasíða leikskólans http://www.holtakot.is/

Helstu verkefni og ábyrgð:

• Vinna að uppeldi og menntun barna undir stjórn deildarstjóra
• Vinna að faglegu starfi deildar
• Tekur þátt í foreldrasamvinnu

Menntunar- og hæfniskröfur:

• Leyfisbréf til kennslu* (leyfisbréf fylgi umsókn)
• Að lágmarki 90 námseiningar á einu námssviði aðalnámskrár og menntunarfræði leikskóla
• Íslenskukunnátta á stigi B2 samkvæmt evrópska tungumálarammanum
• Reynsla af starfi í leikskóla eða starfi með börnum er æskileg
• Ánægja af því að starfa með börnum
• Áhugi á heilsueflandi leikskólastarfi og hreyfingu
• Frumkvæði, samskiptahæfni og sjálfstæði í vinnu
• Sjálfstæð og skipulögð vinnubrögð

*Fáist ekki starfsmaður með leyfisbréf til kennslu kemur til greina að ráða háskólamenntaðan einstakling tímabundið til starfa sbr. lög nr. 95/2019.

Hlunnindi fyrir starfsmenn leikskóla:

• Vinnuskylda í fullu starfi er 36 stundir. Vikulegur vinnutími er 38 stundir og tveimur klukkustundum safnað upp í frítöku vegna vetrar-, páska- og jólafrís
• Leikskólinn er lokaður í dymbilviku og 2. janúar vegna dreifingar vinnutíma starfsfólks
• Opnunartími leikskólans er 7:30 - 16:30 mánudag til fimmtudag og 7:30- 16:00 á föstudögum
• Fimm skipulagsdagar á ári sem eru samræmdir í leik- og grunnskólum Garðabæjar
• Forgangur á leikskóla fyrir börn starfsmanna með lögheimili í Garðabæ og í 75% starfshlutfalli eða meira
• 40% afsláttur á leikskólagjöldum fyrir starfsmenn með lögheimili í Garðabæ
• 25% stöðugildi vegna snemmtækrar íhlutunar inn á hverri deild
• 50% stöðugildi inn á yngstu deildir leikskóla ef fjöldi barna á aldrinum 1-2 ára eru fleiri en tíu á deild
• Hægt er að sækja um námstengda styrki til að efla faglegt leikskólastarf

Hlunnindi fyrir starfsmenn sem ráðnir eru í starfshlutfall:

• Heilsuræktarstyrkur að upphæð 20.000 kr. eftir 6 mánuði í starfi
• Bókasafnskort eftir 3 mánuði í starfi
• Menningarkort eftir 3 mánuði í starfi
• Sundlaugarkort eftir 3 mánuði í starfi
• Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi.

Umsóknarfrestur er til og með 4. ágúst 2026. Æskilegt er að viðkomandi getið hafið störf í síðasta lagi 10. ágúst 2026 eða eftir samkomulagi

Nánari upplýsingar um starfið veitir Ragnhildur Skúladóttir leikskólastjóri 5502381 / 8215018 eða með því að senda fyrirspurn á á ragnhildursk@holtakot.is

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Samkvæmt lögum verða umsækjendur sem eru ráðnir að skrifa undir heimild til upplýsingaöflunar úr sakaskrá.

Áhugasamir einstaklingar, án tillits til kyns, eru hvattir til að sækja um.