Job Description

Laus er til umsóknar 100% staða uppeldisfulltrúa í Hlíðarskóla Um er að ræða tímabundna afleysingu til og með 31. júlí 2027 með möguleika á ótímabundinni ráðningu.

Vinnutími er frá kl. 7:30-15 aðra hverja viku og síðan frá kl. 8-16 vikuna á móti alla virka daga nema á föstudögum en þá lýkur skólastarfi kl. 13.

Ráðið er í stöðuna frá 10. ágúst 2026.

Hlíðarskóli er lítill sérskóli fyrir nemendur með hegðunar- og aðlögunarvanda, félags- og tilfinningarvanda og fjölskyldur þeirra. Staðsetning skólans er einstök en hann er staðsettur í Skjaldarvík, 5 km norðan Akureyrar og hefur markað sér umhverfisstefnu með áherslu á umhverfismennt og útinám þar sem nánasta umhverfi skólans er nýtt eins og kostur er. Kennarar fá frelsi og stuðning til að fara ótroðnar slóðir og hugsa út fyrir kassann þegar kemur að uppsetningu náms og kennsluaðferðum. Í Hlíðarskóla er mikil áhersla lögð á samvinnu starfsfólks og foreldra og vellíðan og framfarir nemenda.

Hér er einstakt tækifæri til að starfa í fámennum skóla þar sem kennt er í litlum hópum til að mæta hverjum og einum nemanda þar sem hann er staddur námslega.

Leiðarljós: Jákvæð afstaða til manneskjunnar og tiltrú á getu hennar til breytinga og þróunar þar sem leitast skal við að byggja á styrk hvers og eins.

Viltu vita meira? Kíktu í rafræna heimsókn www.hlidarskoli.is

Leitað er að einstaklingi sem er tilbúinn að taka fullan þátt í ögrandi og fjölbreyttu starfi með kraftmiklum nemendum og samstarfsfólki.

Helstu verkefni eru:

• Aðstoðar nemanda/nemendur við daglegar athafnir og virka þátttöku í skólastarfi.
• Skipuleggur afþreyingarefni og/eða létt verkefni inni eða úti á sjálfstæðan hátt og framkvæmir þau með nemendum þegar þeir eru ekki í hefðbundinni kennslu.
• Tekur virkan þátt í meðferðarstarfinu með öðru starfsfólki skólans undir handleiðslu kennara, fjölskylduráðgjafa, þroskaþjálfa og skólastjóra.
• Vinnur eftir áætlun sem bekkjarkennari hefur útbúið í samráði við fjölskylduráðgjafa, skólastjóra, sálfræðing eða annan ráðgjafa.
• Aðstoðar nemanda/nemendur við verkefni samkvæmt leiðbeiningum kennara.
• Ýtir undir færni og sjálfstæði nemenda í námi og daglegum athöfnum t.d. með því að hvetja þá til að gera sem mest sjálfir og hrósa þeim fyrir viðleitni í þá átt.
• Hefur tilfallandi umsjón með nemendahóp í kennslustund til skamms tíma í einu.
• Fer með nemendum í leikfimi og sund og sinnir gæslu í baðklefum.
• Fer með nemendum í vettvangsferðir.
• Situr reglubundna starfsmannafundi, fundi um málefni nemenda, og eftir því sem við á foreldrafundi.
• Aðra hverja viku situr hann með nemendum í skólabílnum í og úr skólanum og hefur eftirlit með nemendum, vegna umferðaröryggis barna og reglum skólans um samskipti.
• Er virkur þátttakandi í að skapa heimilislegt og hlýlegt umhverfi sem styður vel við alla.
• Sinnir öðrum þeim verkefnum sem skólastjóri kann að fela honum, enda samrýmist þau starfssviði hans.
• Keyra bíla skólans eftir þörfum.
• Sinna gæslu í frímínútum.
• Léttur frágangur ef á þarf að halda.

Hæfniskröfur:

• Reynsla af starfi með börnum mjög æskileg.
• Samskiptafærni og geta til að starfa í teymi nauðsynleg.
• Áhugi á starfi með börnum og unglingum í vanda skilyrði.
• Reynsla af starfi með börnum og unglingum í vanda kostur.
• Jákvæð afstaða til barna með fjölþættan vanda.
• Lífsgleði og gott hugarfar.
• Stundvísi.
• Góð aðlögunarhæfni.
• Frumkvæði og sjálfstæð vinnubrögð.
• Gerð er krafa um vammleysi, s.s.að vera með gott orðspor og að framkoma og athafnir á vinnustað og utan hans samrýmist starfinu.

Starfsfólk skólans gegnir starfinu samkvæmt grunnskólalögum, reglugerðum, starfslýsingum, kjarasamningum og mannauðsstefnu Akureyrarbæjar eftir því sem við á.

Umsókninni skal fylgja greinargóð ferilskrá um störf umsækjanda.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kjalar.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Valdimar Valsson skóalstjóri í síma 414-7989 eða á netfanginu valdimar@akureyri.is

Einungis er tekið á móti rafrænum umsóknum á heimasíðu Akureyrarbæjar.

Aðgengi að tölvu og aðstoð vegna umsókna stendur til boða í þjónustuveri Akureyrarbæjar, Geislagötu 9.

Umsóknarfrestur er til og með 5. júní 2026.