Job Description

Skíðasvæðið Hlíðarfjalli óskar eftir að ráða starfsfólk í miðasölu Hlíðarfjalls veturinn 2026-2027, um er að ræða 80-100% störf sem og hlutastörf. Um er að ræða tímabundið starf frá opnun skíðasvæðisins, sem er venjulega um miðjan desember, til vertíðarloka sem er yfirleitt í enda apríl.

Helstu verkefni eru:

• Starfsmaður sinnir hefðbundinni miðasölu, símsvörun ásamt sölu á ýmsum smávörum.
• Ýmis þrif.

Hæfniskröfur:

• Starfið krefst mikilla samskipta við viðskiptavini og samstarfsmenn á staðnum, í síma, tölvupósti eða á netmiðlum og þurfa umsækjendur að hafa góða þjónustulund, geta unnið sjálfstætt og undir álagi.
• Viðkomandi þarf að búa yfir góðri almennri tölvuþekkingu.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun samkvæmt kjarasamningi Sambands íslenskra sveitarfélaga og Kjalar.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Brynjar Helgi Ásgeirsson, forstöðumaður með tölvupósti brynjar.helgi@hlidarfjall.is og í síma 690-5209.

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 23. október 2026.