Job Description

Í Glerárskóla er laus til umsóknar um 70% staða sérhæfðs starfsmanns. Óskað er eftir atferlisfræðingi, þroskaþjálfa eða starfsmanni með aðra háskólamenntun sem nýtist í starfi. Ráðning er tímabundið frá 1. ágúst 2026 til 18. júní 2027 með möguleika á áframhaldandi ráðningu.

Glerárskóli vinnur samkvæmt hugmyndafræði Jákvæðs aga og eflingu góðra og jákvæðra samskipta. Skólinn er Grænfánaskóli og stundar úti- og grenndarkennslu auk þess að leggja áherslu á læsi, leiðsagnarnám, góða stoðþjónustu, verkgreinar og teymisvinnu. Glerárskóli leitast við að undirbúa nemendur undir líf og starf með því að aðstoða þá við að finna og efla hæfileika sína, taka ábyrgð á eigin námi og gjörðum og efla andlegt og líkamlegt heilbrigði.

Stoðþjónusta Glerárskóla er gríðarlega öflug og fagleg en það styrkir allt skólastarf í þágu nemenda.

Glerárskóli Erasmus+ vottaður skóli. Glerárskóli er hnetulaus skóli.

Einkunnarorð skólans eru HUGUR-HÖND-HEILBRIGÐI

Viltu vita meira? Kíktu í rafræna heimsókn www.glerarskoli.is

Leitað er að hugmyndaríkum og faglegum einstaklingi sem á auðvelt með að sýna sveigjanleika, hafa frumkvæði, sem hefur mikinn metnað, á auðvelt með öll samskipti og sem leggur áherslu á vellíðan og árangur nemenda í samstarfi við aðra starfsmenn og stjórnendur skólans.

Meginhlutverk starfsmanns er að sinna nemanda/nemendum á grunnskólaaldri með sértækar þarfir. Starfsmaður er í teymi stoðþjónustu skólans sem sinnir nemendum, í samvinnu við kennara, starfsfólk og stjórnendur, við að efla sjálfstæði og skólafærni þeirra. Tilgangur þess er að nemandi geti verið þátttakandi í skólastarfi og verkefni starfsmanns er að tryggja/stuðla að þeirri aðlögun sem þarf til að nemandi fái jákvæða upplifun af skólalífinu, njóti og læri.

Helstu verkefni sértæks starfsmanns eru m.a.:

• Aðlögun nemenda að skólastarfinu svo þeir fái notið sín sem best, þjálfun/umönnun nemenda.
• Gerð einstaklingsáætlana í samvinnu við umsjónarkennara, sérkennara, foreldra og aðra eftir því sem við á.
• Skipulagning þjálfunar- og námsumhverfis, að velja/útbúa þjálfunar- og námsgögn og fylgja eftir settum markmiðum.
• Mat á árangri og endurskoðun markmiða í samstarfi við annað fagfólk.
• Finna námsgögn fyrir nemanda/nemendur og aðlaga þau í samvinnu við stoðþjónustu og kennara.
• Sitja teymisfundi vegna nemanda/nemenda, skipuleggja og stýra eftir þörfum auk þess að sitja aðra fundi er viðkoma nemanda/nemendum.
• Vinna í nánu samstarfi með foreldrum/forráðamönnum nemanda/nemenda.
• Veita ráðgjöf og leiðsögn til samstarfsfólks, innan og utan skólans varðandi sérþarfir nemanda/nemenda og miðla sérþekkingu sinni til annarra starfsmanna eftir þörfum.
• Vera tengiliður við aðra aðila sem að nemanda/nemendum koma s. s. umsjónarkennurum umsjónarbekks, stoðþjónustu og skólaþjónustu.
• Önnur þau verkefni sem falla innan starfssviðs og er ætlað að tryggja sem mesta farsæld nemanda/nemenda.

Hæfniskröfur:

• Háskólapróf og starfsréttindi sem þroskaþjálfi, atferlisfræðingur eða önnur sambærileg háskólamenntun sem nýtist í starfi.
• Áhugi á þjálfun, kennslu og velferð barna með sértækar þarfir er skilyrði.
• Reynsla af starfi með fötluðum börnum og/eða börnum með sértækar þarfir æskileg.
• Reynsla af starfi í grunnskóla er kostur.
• Aðlögunar- og samskiptafærni, frumkvæði og sjálfstæð vinnubrögð.
• Skipulagsfærni, stundvísi og reglusemi.
• Lausnamiðuð hugsun og færni til að sinna umbótum.
• Kunnátta í skyndihjálp er kostur.
• Gott líkamlegt atgervi.
• Gott vald á íslensku, bæði í töluðu og rituðu máli.
• Jákvæðni og sveigjanleiki
• Áhugi á að taka þátt í þróun skólastarfs og að taka að sér fjölbreytt verkefni.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samræmist starfinu

Umsókninni skal fylgja greinargóð ferilskrá um fyrri störf umsækjanda og menntun, auk þeirra verkefna sem viðkomandi hefur unnið að og varpað geta ljósi á færni til að sinna starfi sérhæfðs starfsmanns í grunnskóla.

Tekið verður tillit til samþykktar bæjarstjórnar Akureyrar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Eyrún Skúladóttir skólastjóri eyrun@akmennt.is og í síma 461-2666.

Einungis er tekið á móti rafrænum umsóknum.

Umsóknarfrestur er til og með 3. júní 2026.