Job Description

Laus er til umsóknar staða náms- og starfsráðgjafa við Giljaskóla frá 15. nóvember 2026.

Um er að ræða 70% tímabundna stöðu til 31. desember 2027.

Giljaskóli starfar eftir samskipta- og uppeldisstefnu sem nefnist Uppeldi til ábyrgðar - uppbygging sjálfsaga. Skólinn er heilsueflandi grunnskóli og réttindaskóli UNICEF.

Í skólanum er sérdeild sem sinnir kennslu og þjálfun barna með ýmiskonar fatlanir.

Giljaskóli er framsækinn skóli, hefur verið í fararbroddi á sviði upplýsingatækni og er í mikilli þróun náms- og kennsluhátta.

Einkunnarorð Giljaskóla eru „Ábyrgð-Virðing-Vinsemd“.

Viltu vita meira? Kíktu í rafræna heimsókn www.giljaskoli.is

Leitað er að einstaklingi með mikinn metnað, sem sýnt hefur árangur í störfum sínum og leggur áherslu á vellíðan og árangur nemenda í samstarfi við aðra starfsmenn og stjórnendur skólans.

Starfssvið:

Náms- og starfsráðgjafi sinnir fjölbreyttu starfi í samvinnu við aðra starfsmenn og stjórnendur skólans. Meðal verkefna er að skipuleggja náms- og starfsfræðslu, leiðbeina nemendum um vinnubrögð í námi, veita nemendum persónulega ráðgjöf, veita foreldrum ráðgjöf, sjá um örnámskeið fyrir nemendur er lúta að t.d námstækni, prófkvíða og öðru er hjálpar nemendum í námi. Undirbúa flutning nemenda milli skólastiga, sinna forvarnarstarfi, vinna í eineltismálum o.fl.

Menntunar- og hæfniskröfur:

• Menntun í náms- og starfsráðgjöf með tilheyrandi starfsréttindum.
• Reynsla af náms- og starfsráðgjöf í grunnskóla er kostur.
• Góð þekking og áhugi á uppeldisfræði.
• Áhugi á vinnu með börnum og unglingum.
• Reynsla af eða áhugi á vinnu með Uppbyggingastefnuna í skólastarfi.
• Frumkvæði og samstarfsvilji.
• Góðir skipulagshæfileikar.
• Hæfni í mannlegum samskiptum, sveigjanleiki og víðsýni.
• Áhugi á þróunarstarfi.
• Reglusemi og samviskusemi.
• Góð íslenskukunnátta í ræðu og riti.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja greinargóð skýrsla um störf umsækjanda og menntun, starfsreynslu og þau verkefni sem hann hefur unnið að og varpað geta ljósi á færni hans til að sinna starfi náms- og starfsráðgjafa. Þá skal fylgja umsókninni greinargerð um hugmyndir umsækjanda um starfið og hvernig hann sér starf sitt geta þróast.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kennarasambands Íslands vegna Félags grunnskólakennara.

Upplýsingar um kaup og kjör veitir launadeild Akureyrarbæjar: launadeild@akureyri.is

Allar nánari upplýsingar veita Elías Gunnar Þorbjörnsson skólastjóri í síma 462-4820, elias@akmennt.is og Aðalheiður Skúladóttir aðstoðarskólastjóri í síma 462-4820, netfang allas@akmennt.is

Einungis er tekið á móti rafrænum umsóknum.

Umsóknarfrestur er til og með 14. september 2026.