Job Description

Heimili fyrir fatlað fólk á Freyjugötu, Sauðárkróki óskar eftir að ráða í lausar stöður (85% starfshlutfall). Bæði er um framtíðarstörf og tímabundnar afleysingastöður að ræða. Æskilegt er að viðkomandi geti hafið störf sem fyrst.

Heimilið sér um að veita fólki fjölbreytta þjónustu sem miðar að því að styðja við sjálfstæða búsetu þess og skapa því aðstæður til að lifa sem eðlilegustu lífi á heimili sínu sem utan þess. Unnið er eftir ákveðinni hugmyndafræði og krafist er að starfsfólk tileinki sér þau vinnubrögð er henni fylgja.

Helstu verkefni eru:

• Veita íbúum persónulegan stuðning og aðstoða þá við að njóta menningar-, tómstunda- og félagslífs.
• Starfið felur í sér öguð og skipulögð vinnubrögð, framkvæmd þjónustuáætlana og dagskipulags.
• Almennt heimilishald.

Menntunar- og hæfniskröfur

• Menntun og starfsreynsla sem nýtist í starfi er kostur.
• Mikilvægir eiginleikar eru sveigjanleiki, samviskusemi, lipurð og jákvætt viðhorf til fólks og vinnu sinnar.
• Þekking á hugmyndafræðinni Þjónandi leiðsögn og Valdeflingu er kostur.
• Umsækjandi þarf að geta unnið eftir skipulagi og undir álagi, ásamt því að geta tekið sjálfstæðar ákvarðanir.
• Umsækjandi þarf að hafa náð 18 ára aldri.
• Skilyrði er að umsækjendur tali og skilji vel íslensku.
• Almenn tölvukunnátta.
• Almenn ökuréttindi.
• Hreint sakavottorð, skv. lögum um þjónustu við fólk með langvarandi stuðningsþarfir.

Laun eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Nánari upplýsingar veitir Hlynur Örn Sigmundsson forstöðumaður; 8497157, hlynurorn@skagafjordur.is.

Einungis er tekið á móti rafrænum umsóknum á heimasíðu sveitarfélagsins www.skagafjordur.is (laus störf). Prófskírteini og greinargóð ferilskrá skal fylgja umsókn.

Áhugasamir einstaklingar, óháð kyni, eru hvattir til að sækja um.

Öllum umsóknum verður svarað þegar ákvörðun um ráðningu liggur fyrir.